|
رد: اختبار القدرات للجامعيين للاستمكال دراسة الماجستير
رحت بدري قبل الأختبار بنص ساعة أعطوني ورقة أعبيها أقرا الأقرار وأوافق عليه وأسجل باقي بياناتي ،
طبعاً لازم بطاقة الأحوال عشان تدخل الأختبار ، وبعدها حطيت أغراضي ب اللوكر ومن ظمنها الساعة :( أخذت بصماتي قبل دخول الأختبار ، تقريباً مدة الأختبار ساعتين وأنت مخلص
دخلت زي معمل الحاسب لقيت طالبات فيه يختبرون كان العدد قليل والمكان هدوووء
أعطتني مسودة وقلم ، لو بغيت أحل مسائل وكذا
دخلت وجلست في مكاني وكان خلف الشاشة ورقة معلقة على الجدار كلها قوانين ، لكن مارجعت لها بشي
الصراحة كان الوقت مايساعد وكان يحتاج تركيز ثم تركيز ثم تركيز ، الأسئلة كانت على هذا النحو
5 أقسام
3 أقسام الأولى فيها 25 سؤال لكل قسم والوقت كان 25 دقيقة لكل قسم ( أسئلة حساب وقطعه وعليها أسئلة وتناظر لفظي ومعاني مفردات وجدول فيه بيانات وبعدين أسئلة عليه )
وقسمين 16 سؤال لكل منها والوقت 25 دقيقة ( أكثر شي عن الأشكال المتشابهه أو يجيك سؤال يقول ماهو الشكل الذي لايرتبط ببقية الأشكال ويعطيك أربعة أشكال )
الأسئلة عموماً نفس طريقة كتاب البابطين ومنتدى قياس للقدرات أهم شي ناموا زين عشان التركيز مطلوب وبالنسبة لأعادة الأختبار ياخذون الدرجة الأحسن ، وبإمكانك تعيد الأختبار 3 مرات في السنة ، هذا ماقالته لي المشرفة والله يبشرنا بالنتايج الزينه ونعدي الأختبار على خير 
|