ملتقى طلاب وطالبات جامعة الملك فيصل,جامعة الدمام - عرض مشاركة واحدة - لكل الطلاب الجدد / شرح لكل مايهمكم من طريقة الدراسة عن بعد + شرح مفصل بخصوص نظام البلاك بورد & النظام الافتراضي + الخطة الدراسية للجامعة + شروحات ومعلومات اخرى

o_lg_ll · 2014- 9- 16

اقتباس:

المشاركة الأصلية كتبت بواسطة سعد العصيميي

السلام عليكم اول مشاركه لي ارجو الرد
لوسمحتو طال الله عمركم انا اعتذرت قبل سنه بعد نزول الجدول ورفض الاعتذار ولم ادفع الرسوم والترم الي بعده مادرسته ولمن ادخل اليوزر مايفتح معي فاايش الحل وكيف اكمل دراستي

وعليكم السلام

كلم الجامعة اخوي وتراسل معهم

اقتباس:

المشاركة الأصلية كتبت بواسطة muneera_4

شكرا علي هالموضوع
بس عندي سؤال بكل مره ادخل لازم اغير الرقم السري؟
انا تتكرر معي

جربي متصفح قوقل كروم فقط

ولاتنسين في الصفحة نفسها راح يطلع لك حفظ المعلومات او الكلمة السرية دائماً لهذا الموقع

هذي الحركة موجوده في جميع المتصفحات

اقتباس:

المشاركة الأصلية كتبت بواسطة LaylamAlmatrouk

طيب فيه تسجيل مواد بالمستوى الأول؟

مشكورين وسوري كثرت الأسئلة

لا الطلاب الجدد لأول مستوى الجامعة تنزل لمهم المواد

من المستوى الثاني راح انتي بنفسك تختارين المواد الى تبينها وتسجلينها بنفسك

حتى لو تبين تدرسين مادة من مستوى 8 وتحطينها في مستوى 2 عادي الجامعة مالها دخل فيك

لاعادي اسألي واستفسري وخذي راحتك انتي وغيرك

اقتباس:

المشاركة الأصلية كتبت بواسطة Lavender Home

يعطيكم العافية
كيف اعرف رقمي الجامعي
مضيعة الرقم و ما حفظتو .. و ابي اعين كلمة السر و ماني حافظة الرقم الجامعي
ايش العمل
مشكورين

الله يعافيك

جاوبتك نورة الشمالي مشاء الله عليها

تراسلي مع الجامعة وراح يبلغونك

وخذيها نصيحه مني

خذي لك جهاز لاب توب وحطي فيه ملف واكتبي فيه الرقم الجامعي والباسورد

وفي جوالك بعد احفظي الرقم الجامعي والباسورد في الهاتف

دراسة الجامعة طويلة 4 سنوات

ونصيحتي لك حلي في جهاز واحد

بالتوفيق

اقتباس:

المشاركة الأصلية كتبت بواسطة TheRose

السلام عليكم ورحمة الله

ماشاءالله الشرح كافي ووافي ، مرره مشكور

بس عندي استفسار صغيرون

اللحين المحاضرات اذا نزلت وين القاها ؟ وكيف اعرف مواعيد المحاضرات ؟ وهل فيه كتب او اي شي نجهزه قبل المحاضرة ؟

اييييييييييي انا مستجدة

وعليكم السلام ورحمة الله وبركاتة

راح تلقين المحاضرات مثل ماشرحت في بداية الموضوع

ركزي انا حاط روابط لمواضيع اخرى في نفس هذا الموضوع

هذي الروابط مشروح فيها وين تحصلين المحاضرات والمناقشات والواجبات

ارجعي لبداية الموضوع وراح تشوفين هذي الروابط

لا مافي شي تجهزينه قبل المحاضرة فقط الى شرحته في هذا الموضوع ركزي فيه كل كلمة قلتها وطبقيها بالحرف

وان شاء الله امورك تيقا تيقا هي

ارجعي في بداية الموضوع وشوفي الرد الثاني

اقتباس:

المشاركة الأصلية كتبت بواسطة بدور العتيبي

شنو افضل للمذاكره الملازم والا الملخصات ؟

كلها نفس الشي اختي

الملازم = كتاب << اذا كانت الملزمة لهتان او احدى الاخوان تراها مثل ملزمة الدكتور بس مكتوبة بطريقة احلى ومختصره

الملخصات = كم ورقة او صفحة مختصرها احد الطلابه المصطفية هنا في هذا المنتدى ورفعها لنا

وتبين الصراحة انا مثلك أول مادخلت الجامعة رحت المكاتب وشريت ملازم دكاترة المادة وخسرت نفسي فلوس

ومالومك صراحة الواحد يقول هذول طلاب وكل واحد ينزل ملزمة من راسة ويحذف من راسة

خليك على ملازم الدكتور اضمن الخ الخ

والله تبين الصراحة مافي احسن من ملازم الاخوان هنا في المنتدى

وجد اختي والحين الحمد لله ادرس سمستر 4 + 5

شوفي وركزي في كلامي

انتي ارجعي للصفحة الاولى لهذا الموضوع

وتابعي الرد الثاني رد رقم 2

http://www.ckfu.org/vb/11320842-post2.html

لجأت الاختبارات النهائية وقربت
ادخلي قسمك وحملي من الملازم الى ينصحون فيها الاخوان هنا والى تشوفين نفسك انتي ترتاحين لها

وصدقيني ملازم الدكاترة فلسفة زايدة وهذرة زايدة

الطلاب يختصرونها فقط

وخذت درجات ممتازه وجيدجداً والحمد لله
بسبب متابعتي للمنتدى وملازم وملخصات الاخوان هنا في المنتدى وتفاعلهم ومذاكرتنا مع بعض في المنتدى

بالتوفيق

اقتباس:

المشاركة الأصلية كتبت بواسطة تاك تاك

عليكم السلام والرحمة والإكرام

شرح كافي بأسلوب رائع جداً و جميل و شيّق و طريف و سهل و سلس و مُبسّط قدر الإمكان ,

ألف شكر لك أخوي جد ماقصرت الله يجزاك خير و يوفقك و ييسر أمورك مثل ما يسرت علينا وخليتنا نعرف اللي لنا واللي علينا بعد ما كنّا في " دوّامه "

استفسار بسيط : معادلة المواد تكون من ثاني مستوى صح ,
يعني بالمستوى الأول تكون دراسة المواد كلها إجباري ؟

بالتوفيق للجميع

ايه خيتو

المستوى الثاني ان شاء الله ارفعي طلب بالمواد الى تبين تعادلينها

بس ركزي في الى بقوله

الجامعة هذي حالها حال اي داىرة حكومية عندنا تسيب ولعب والواحد تطلع روحه على مايأخذ الشي منهم

المختصر من الكلام

معادلة المواد تتأخر على ماتطلع نتيجتها يعني عادي يعادلون لك المواد قبل ماتتخرجين

مافي اليه او سياسة معينه الواحد يتبعها معهم عشان يعرف المواد الى يقدر يعادلها في هذي الجامعة الخ الخ

انتي لجاء وقت المعادلة ارفعي اي مادة تشكين فيها ايييييييييي مادة

يعني لاتقولين لا مايصير هذي المادة اسمها غير وهذي غير

انا اقولك ارفعي المواد الى تشوفينهم مثل بعض

وباقي المواد ارفعي خربطي وصديقيني راح تجي معك

والله اكلمك جد لنا اعرف المسؤالين عن المعادلة لأني من الاحساء واعرف الجامعة كويس الخ الخ

انتي اكتبي الطريقة الى قلت لك

ولجاء وقتها عطيتك رقم المسؤال عن معادلة المواد مصري الجنسية مع اميله

هذا تتراسلين معه على الاميل او تتصلين عليه وتقولين له رقمك الجامعي لمن تطلعين عيونه ويعادلك المواد في أسرع وقت

على فكرة المفروض هو هذا شغلته في الجامعة يستقبل اميل الطلاب ومكالمات الطلاب ويعادل لهم المواد

بس الجامعة او هذا الموظف عن تنسيق معادلة المواد ماهم ناشرين هذا الشي للجميع

ومدري ليه هالتخلف وانا صدته بسبب معارف الجامعة ورحت له بنفسي وخليته يخلص موضوعي وتابعت معه على الاميل والتلفون

راح احاول افتح موضوع عن معادلة المواد واكتب لكم فيه رقم تلفون المسؤال هذا + اميله

بالتوفيق

اقتباس:

المشاركة الأصلية كتبت بواسطة Mona_M3

ألف الحمدلله وأخيرا تحدث الرقم وارسلوا لي

والله يعطيك العافية ماقصرت .

. بس ممكن استفسار أخوي الحين تفعل معاي الرقم السري وحدثت البيانات بس ماعندي محاضرات مسجله ??

هل فيه عندي مشكلة ولا من النظام ?

وتسلم يعطيك العافية

لا ماعندك مشكلة بس عادي تعودي ترا نظام الجامعة هشك بشك

يعني تعودي وتعلمي من الان وسعي صدرك مع نظام الغبره

تراه نظام عبر نفسك وادرس وفكنا

اقتباس:

المشاركة الأصلية كتبت بواسطة Mona_M3

مايدخل على البلاك بورد ؟ كل ماحاولت رفض بس يدخل على ايقونة الخدمات الطلابية فقط .. تتوقعي عشان تو اليوم بس تفعل رقمي؟؟

مثل ماذكرت في بداية الموضوع

راح يفتح نظام البلاك بورد أول شي

وبعدها بفترة راح يفتح الافتراضي

ومثل ماذكرت خليك على نظام واحد وتابعي فيه وانا افضل الافتراضي وكل واحد براحته

بالتوفيق