|
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
يا زين حبّك داخل القلب مغروس
سنِّك مثل سنِّي ، وقوسك مقاسي
قربك مطر قلبي ، وشوفتك ناموس
وضحكتك يالغالي تزيل أنعماسي
أنا الذي في حبكم صرت محبوس
أما أنت في سلم الهوى دبلوماسي
حبك كما صحرا بها رمل وطعوس
من دوَّر الماء ما لقى إلا اليباسي
يا زين بالك في الهوى تشبه الموس
يعضّ في نْصابه بليّا قياسي
فرقاك تودع داخل القلب حاسوس
وإلى ذكرتك زاد فيني حماسي
يمضي نهاري بين همٍّ وهاجـوس
وفي الليل عيني ما تذوق النعاسي
صوت الخطر دقِّه كما دقّ ناقـوس
أنا خطيـرٍ ، وأنت يا زين ناسـي
يا من لبس في يوم عشرين ملبوس
لا غبت عن عيني يجيني عماسـي
حبك سطا في القلب مهوب ملموس
أنا أشهد إنك يـا عشيري سياسـي
ما شفت مثلك في (الفلبين والروس
ولا بسلفـادور ، والهندوارسي
من حبكم قمت ألبس الثوب منكوس
وانْشد عن الغترة وهي فوق راسي
يا الي هدب عينه يوصِّف على القوس
كانك تبي ذبحي فلا فيه باسي
|