|
لي أيام مدري وين رايح
لي أيام مدري وين رايح ولا أدري ليه
حشاي أنقبض من عقب فرقاي لدياره
يضيع النسم وأذكر عيون الغظي وأبكيه
وأنا شفي أناظر صورته وأسمع أخباره
تنهت يوم أنه كواني وأنا كاويه
كذا دون ماندري عن الحب وأخطاره
لو أنه نواني بالجفا كنت أنا جافيه
ولو أني نويته بالغدر صار غداره
لا بله شراني يوم بعت العرب وأشريه
شريته بصدق القول والود وأشعاره
عسانى ليا غنيت شعري يجي ينبيه
عن العاشق اللي صان عهده ولا باره
عن العاشق اللي لو يهب الهوا يشقيه
مهب الهبايب يشعل بداخله ناره
نضج قلبي من البعد وعيوني تراعيه
ذكرته وأشوف الوقت وأشوف تذكاره
وأنا والله أني مغرم به ماني ناسيه
على البال و التفكير لو أبتعد داره
عليه الله أكبر كلما حل بي طاريه
تزفرت ودموعي على الخد مدراره
أربه ليامن شاف قولي يناظر فيه
ويذكر ربيع القلب لا زافت أزهاره
أربه يحس بلوعتي والخطر والتيه
وقلب غدا مابين طرقه ومسماره
غديت أتذكر مدته وأنتظر وأبكيه
لعله يعود وأنظره وأسمع أخباره
التعديل الأخير تم بواسطة Sul6an Suba3ei ; 2014- 9- 17 الساعة 12:59 AM
|