اولا اشكر الاخ اللي نقل الخبر لنا
وثانيا...ياليت كلكم تذكرون خرعتنا وقت الأختبار بالاسئلة اللي فيها اخطاء وموقفنا الغريب وحنا ماحنا عارفين نتصرف ولا وش نكتب ونحل ؟؟؟؟؟؟
وهالشي تكرر بكل المواد غير اللف والدوران اللي صار بالاسئلة بذمتكم مين طلع مو متنكد من اختبار الصحة واللياقة ؟؟؟ إلا اللي مايفرق معه او مو مذاكر وما سهر ولاتغرب من بلد لبلد علشان يروح يختبر
ومن رد على اي ايميل او استفسار بخصوص الأسئلة اللي فيها اخطاء حتى الدكتور مصلح وغيره قال اكتبوا لدكتور المادة !!! ودكتورها طبعا مايرد وان رد ماريح
وبعدين بمستوى هالجامعة مو عيب تكرار الغلطات بكل المواد ؟ الورقة لما تنطبع عندهم مرة وحدة يعني لما كتبها دكتور المادة وش المانع انه يراجع اوراقه ؟ويشوف الاخطاء اللي فيها ! معقولة كلهم كذا وبنفس الأسلوب ؟مافكرتوا بهالامور ؟
لهدرجة الأمور عشوائية ؟ وين الأمانة اللي تخليهم يراجعوا الاوراق وبعدين يطبعونها بالآلآف لنا
ترى كلها خمس او اربع ورقات يقرأها الدكتور ويراجع اسئلته
ومو معنى هالكلام والشكاوي اننا ننكر الفضل اللي قدمته لنا الجامعة بخصوص استمرارنا للدراسة
لا ماننكر ابد لكن نتمنى مثل ماحنا عطيناهم الآمان ووثقنا فيهم يكونون قد الثقة والأمانة
حبايبي ياليتكم تفكروا بشي 11,000 الف طالب وطالبة مو كلهم المادة عندهم ممتازة منهم اللي حالهم ضعيف وسووا المستحيل علشان يدفعوا ويكملوا الدراسة ولا كلهم ساكنين في مدينة متوفرة فيها مركز للاختبار ويضطروا يسافروا ويتغربوا اسبوعين بكل مافيهم من غربة وضغط اختبار وتكلفة مادية وضغوط مالها اول ولاآخر وانا اعترف انا من اللي تغربوا علشان الاختبار وماكان شي سهل علي..
موحرام بعد كل هالتعب يكون هذا جزاهم كل تعبهم يروح بسبب غلطات ومكابرة وتسلط
ولا جينا نطلب بحقنا الكل يوقف ضدنا ؟؟
ولي رجاء لكل من يعارض اي انسان يطالب بحقه ياليت يجلس بزاوية ويناظر وهو ساكت ولا جات النتايج وطلعت عكس ماانتم تمنيتم بتحسوا فينا وبتكونوا اول من يعترض على الاساليب هذه وبتقولون معه كل الحق اللي كتب الشكوى وطالب بحقه
وان شاء الله ربي ينصرنا ومايضيع تعبنا