|
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
أنا وين أبلقى يالأجاويد فاعـل خيـر
حريصٍ على سرّ المحبيـن لا أرسلتـه
أناّ لوّ أبصبر عام مابـان بـي تأثيـر
وهالحين حتّى الصبر يومين ما أحتلتـه
أنا مثل صقـارٍ تولّـع بحـبّ الطيـر
ولف قلبه فـروخ الصورايـم وهبلتـه
تولعّت في فرخٍ قضيـبٍ يتـلّ السيـر
أبيّ نظرتٍ من لفتـة الحـرّ وسبلتـه
صغيرٍ بسنّه غير عندي ماهو بصغيـر
يامغلاه فـي قلبـي وياكبـر منزلتـه
أجمعله سمان الهرج خوفٍ من التقصير
وإلى جيت أبشرح له كلامي تهيزلتـه
يجيني منّه هيبه . معزه . سحى . تقدير
أقابلـه عنـدي علـم وأروح ماقلتـه
|