بسم الله نسيت وش كنت بقول
تدرون اني مأجله زيارتي للدكتوره بسبة إن ماعندي اجابه للأسئله إلي بتسألني ياها
انا عارفه وش بتسأل بس انا ماعندي الجواب عشان كذا مارحت .. وضعي مزري ي اخوان

ايوه صح شفتوا الهلال امس
يمّاااااه احبهم احس لما يدخلون ب الملعب ودي اقولهم حداده وانا امشيهم
بطينا العين بطّ .. اول شي الشوط الأول بدايته قلت ان طلعنا ب تعادل نعمه بلييييز لانخسر
وعلى اخر الشوط الأول لما جات هجمة ناصر ب العارضه قلت خلاص بنخسر , اعرفها حركات العارضه انا
بعدين دق جوال ناصر
طبعا انا إلي يعجبني ب هلي اني مهما انفعلت ب المباره تحسونهم معطيني بلوك ميوت مايشوفوني
ممكن انا قاعده افتر مع الزوليه وانتف حواجبي بينما هم عايشين طبيعي ويمارسون انشطتهم بنفس المكان مرفوع عني القلم حتى افيق

http://www.youtube.com/watch?v=URLwSQdWo0U
لما ارجع اشوف الأقوال اتبوسم ويميل راسي ويدي على خدي وعيوني قلوب , الهلال هيام
عاد تخيلوا نخسر ب الأياب ويه لايسوونها