ملتقى طلاب وطالبات جامعة الملك فيصل,جامعة الدمام - عرض مشاركة واحدة - استفسار عام 【★】أستفساراتكم الاكاديميه مستوى أول 【★】

kawthers · 2014- 9- 19

اقتباس:

المشاركة الأصلية كتبت بواسطة Lbaih

جدا جدا مافي مزح ولا غشمره

انا حالفه اليوم ماتغمض عيني الا ومحمله كل المحاضرات المسجله

ركزو معاي شوي

المحاضرات المسجله ماتنزل عندي لاب اللاب ولا بالايباد

هو في خلل بس مادري وينه

مفروض توفرون لنا واحد راعي برامج وكذا علشان يعرف علتنا :d

ادخلي على البلاك بورد من المتصفح موزيلا فايرفوكس

اسم المستخدم : رقمك الجامعي
كلمة المرور : ud
@
سجلك المدني

بعدها بتطلع لك المقررات مثل هالصورة

اختاري مثلًا الصحة واللياقة
بيطلع لك كذا

بعدها شوفي ع اليمين " المحاضرات المسجلة " اضغطي عليها
* إذا ماطلعت لك كلمة المحاضرات المسجلة
تروحين لكلمة " الأدوات " و تختارين اول ايقونه Echo360
بتظهر لك المحاضرات زي كذا

بعدها اختاري وحدة، بتشوفين على جنب " ملف صوت " أو " ملف فيديو "
بعض المحاضرات صوت فقط، و بعضها فيديو
اضغطي على اللي ظاهر لك، ملف صوت مثلًا
و تلقائي بتفتح معك صفحة ثانية زي كذا

http://www.gulfup.com/?gkaUp2

اضغطي موافق اذا كانت الإجرائات نفس اللي بالصورة
و بعدها لم تتحمل روحي فوق للسهم و اضغطي عليه
بتشوفين على جنب الصوت اللي حملتيه ايقونه صغيرة على شكل مجلد
نفس هذه الصورة بالضبط

http://im79.gulfup.com/ktyu8Y.jpg

اضغطي على الأيقونه اللي بشكل المجلد
بيفتح معك المجلد اللي نزلت فيه المحاضرات
انقلي المحاضرات عندك في ملف خاص على سطح المكتب
عشان ماتضيعينهم
* طبعًا كل مرة كذا ينزلو عندك بمجلد التنزيلات
كل المواد بنفس الطريقة

و اذا سويتي نفس الخطوات بالضبط ومازبط معك
كلمي الدعم الفني

للمعلومية المحاضرات المسجلة اللي نزلت بالبلاك بورد:

ماذة الإحصاء
3 محاضرات مسجلة
اللغة الإنجليزية
5 محاضرات مسجلة
الصحة واللياقة
4 محاضرات مسجلة
الحاسب الآلي
محاضرتين مسجلتين
مهارات التعلم
محاضرة واحدة مسجلة
مهارات الإتصال
محاضرة واحدة مسجلة