(( قد تصادفنا مواقف يكون فيها الصمت ))
سيد الموقف

دام النصيب اللي علــق في جبيـــــني
لزمنـــي الطيـــب وأنـــا فيه لزمت

فـــأنا على ماكنت ياخــــــابريني
اجــــي لــها راغــب ولــن عفـــتها شمت

ارجـــع ورا خطوه عن الكارهيني
وعشــرين خطوه للمحبين قدمت

من قلبــــــي اللي فالهواء مبتليني
اللي تحزم بي وانا به تحزمت

والجادل اللي ما اظنه نسيني
في وعدها من حين ماوافقت قمت

واخذت ورده قاطفتها يميني
لعلـــها تقبل ملامي اذا لـمت

ثم جيــت موعدنا وهــــي ... تحتريني
وقامت عن الكرسي تسلم ... وسلمت

قالت يـــــا ؟؟؟ خيــــر قالوا تبينــي
وهي تحاكيني وانا فالحكي همت

قالت يـــا..... قول قلت اعذريني
كل ماشوفك في كلامي تلـــعثمت

لكن باقول وطالبك تفهميني
وتكفين مابغى احس اني تندمت

قالت وش المطلوب قلت اسمعيني
انا من اللوعات ياما تألمت

صبرت لين الصبر بيّــــح كنيني
وانتي ظلمتيني وانا ماتظلمت

وانا ومن جور الزمان وسنيني
مني اعلمها ومنها تعلمت

ـــــــــــــــ

... انتي تبين الصمت بينك وبيني ...
طيب أحبــــــك كيف تنقال في صمت !!

قولي احبك كذا صارحيني
او لمحي والعيب لو ماتفهمت

قالت المح قلت هـــــاخلصيني
وتنهدت وتبسمت ثم تبسمت

قالت بلاش اقول طالع فــعـيني
وطالعت في عينه وسلهم وسلهمت

وحسيت شي يجرني مع يديني
وبغيت اطيح وفي يدينه تلزمت

وكنه يقول العشق فيكم وفيني
مع انه الساكت وانا ماتكلمت

وعرفت مما صار بينه وبيني
ان الشعور احيان ينقااال في صمت