|
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
الـبارحــة يوم العـباد رقـود
الـنوم ما يطــري عـلى بالي
مجـروح روح وخـاطري ملهود
ياناس خـلوني عـلى فــالي
تبكي عـيوني والدموع شـهود
اي والله ابكي صـاحـب غـالي
يازيـن مالك من عـذابي زود
إرفــق بحـالي يابعـد حـالي
ودي بوصـلك يانعيم العـود
ودي ولــكن ما تهـيـّا لي
اللي ذبحني بالعينون السـود
من قبل أعرفه خاطري سالي
تـرى المحـبه مابها منقـود
والله فـلا أسمع هرج عذالي
ياعـود ريحان عـليه ورود
ومنين ماهـب الهـوى مالي
هـبي بريحه ياهـبوب النود
يطفي بعض همي وغـربالي
الحب يذبح والشقا محـدود
ماهي سـوالف على الخالي
يا منوتي ياغـاية المقصود
زولــك يورّا لي ويرا لـي
|