[align=center]
بشويش يا خبله على القلب بشويش
لامن ضحكتي صابني منش وشواش
يالعن ابيها ضحكة كلها طيش
شلة رصاص من تمامتيك رشاش
يصيب مرسول المعاليق تشويش
لو اتجرى وارسله لش مطراش
والله ما شين حداني على الطيش
ولجلش يطيش الدم من طاش لا طاش
تعبت اقول يابنت يهديش يرضيش
ما شاش راسي قولي اشلون لا شاش
اجيش غصبا قولي اشلون ماجيش
لو حدني امن الطرق منه ابنحاش
لا ما توقفني حكومة ولا جيش
بيميني الشلفا وبيساري كلاش
اجيش بالجي اكس ما هاب تفتيش
موتر على سود العكاريش مهناش
موتر يباني جننونه المخابيش
من مستلجن طاح بيدين حشاش
كم هرب كفوفه يبي ياكل العيش
باعه لبو هادي عسى بيعته كاش
فديت زينش والدلع قي تغليش
يا من سكنتي بالمعاليق والجاش
شفت السما تبكي فرح حين طاريش
والارض تزهر لا وطيتي بماطاش
حتى الكواكب والقمر هايمه فيش
وكل النجوم تغني اليوم محلاش
يا لؤلؤه ماتشتريها الطواويش
واستملكت بال وهوا كل طواش
ودي اضمش وارتمي بين اياديش
وابيح سدي واشتكي منش وياش
....................
[/align]