صباحكم/ مساؤكم سعيد

وكلّ عام وأنتم بخير وسعادة

طبعاً الأخت مُحدّثتكم من قلب الحدث<< من البداية قلبت لقناة الأخبار

المهم من زود الملل اللّي كنت حاسّة فيه

جاني فضول ودخلت ورش التصوير وطبعاً بدون ماأمدح نفسي زيادة معلوماتي عن التصوير صفر

بس الأخت عاشقة لجمال الطبيعة

عشان كذه يستحيل تنام في طريق السفر بتظلّ طول الوقت مفهّية على المناظر الطبيعية

وتأذي أخوانها وخواتها الله شوفوا هذا المنظر وهم يقولون لها أش نشوف صحراء رمل

وهي تقول لهم بالله عليكم مو حلوة والله منظر الرمل والجبال والشجر والسماء <<خلاص برجع على الأرض قبل لاأنطرد

المهم دخلت أوّل ورشة (تصوير السيلويت للأخ أحمد الوصابي)

ولمّا شفت صور الغروب دخت من جمالها وقلت لازم أصوّر منظر الغروب

وطبعاّ قلت بصوّر أخوي الصغير وهرب الأخو وقت التصوير، طيب ليش هربت يالأخو قال تبينهم يدوخون من جمالي

قلت له مافي شك بجمالك يالأخو بس بتكون الصورة ظلمة ماأحد بيشوفك:

عاد هنا زاد غرور الأخو وقال حتى في الظلمة أنا أجنن شكلي وطولي و... ولغيت فكرة تصويره

وطبعاً لأنّي ماطلعت ما لقيت شيء أصوّره طلعت سطح بيتنا الفجر قلت بصوّر شيْ

مالقيت شيء مافي إلا مباني وحديد وصوّرتهم

تصدقون ولا حمامة أو عصفور مرّوا وأنا أصوّر أش هالكسل فيهم نايمين لين طلع النور

وطبعاً كل هالكلام صار في آخر يوم في الورشة وقبل ماأنزلهم قفلت الورشة

الله رحمهم عشان مايتعقّدون من صوري

طبعاّ نزلت 2 بس لأن الباقي طلع النور واضح فما ينفعون يكونون سيلويت

طبعاّ أنا صوّرتهم عدل هذا مركز التحميل قلبهم الله يقلب مخّه