|
أعظم ( وجع ) بالحب لا صرت تشتاق
أعظم ( وجع ) بالحب لا صرت تشتاق
لـ اللي تحــــب ولا أنت قــادر تشوفه !
يكويـك "جمـــرٍ" داخـــل القلب حرّاق
زود ٍعلــى نـــــاره تهــــدّك طيـــوفه !
لا مــــرّ بعيــــونك كمـــا نــوض برّاق
مـالك مجـــــال إلاّ تســــاير ظــــروفه
ياصـــاحبـي لــــو بينـي وبينــك آفـاق
نفسي معــــك في كــــل حالـة شغوفة
ما كنت "قبلك" خلف الإحساس أنساق
وإن شفت درب الحب أسكت وأطوفه
يلين جـــــاني منعطـف سيل الأشواق
بأمـر الغـــرام اللـي سطــت بي سيوفه
قاومت لكـــن ! خـــافـي الحب ماطاق
صــابه صمــــود ٍ زلـزل أجزاء خوفه
بغيــــت أردّه بـس حسيـت بإخــــفاق !
في لحظـــــة ٍ"مـد" لـ كفــوفك كفــوفه
جـــالك ولا كنت أحســــب الحب دفــاق
لين أغـــرق الخـافق وســـال بـ نزوفه
أثْــر المحـــبـة نبضـــهـا دوم سرّاق
دمي وهـو دمـي بجسمـي تحوفـــه !!
حــاولت أداري حـــب قلبـي بالأوراق
وأثْــر الورق ماهـي أمينــــة حــروفه
سـلّ المشـــاعر من متــاهات الأعماق
وأصبــح يفسـرّ كل وضـــع بوصــوفه
يكتب تقاريـر الغــــلا وقت الإشـــراق
وعنــد المســـا يعطيـــك باقي كشوفه
يا"جامـــع"ن حنيّـة الكـــــون بأخلاق
معــــذور قلبـي لـــــو يضـــمك بجـوفه
مما راق لي
|