ملتقى طلاب وطالبات جامعة الملك فيصل,جامعة الدمام - عرض مشاركة واحدة - فرع القصيم ظلم بكلية الغد ببريده !!! الله لايسامحكم

انسان أنا · 2014- 10- 6

اقتباس:

المشاركة الأصلية كتبت بواسطة ][ mohammed ][

عفواً بالبداية ظروف الناس ماهي زيّ بعض ممكن واحد يالله يجيب ال 5 الآف
حق التسجيل لكن هي مقصدها كل شوي يقولون كلام ثآني بالمبلغ مره 19 ومرة مدري كم
ومعاها حق بالنهاية هذي دراسة ولازم مايعطون كلام إلا متأكدين منه مو يلعبون على خلق الله

أولا هذي كلية أهلية وهي جاية تدرس في كلية أهلية مو في جمعية خيرية
يعني عندك حياك الله ما عندك اجلس في بيتكم أو شوف لك مكان ثاني
لا احد يجي ظروف وما ظروف
الظروف تصير في حالات استثنائية لناس أساسا طلاب بالكلية مو جايين يسجلوا جدد

ثانيا ما في تناقض ولا شي
لسببين:
الأول جهلها بالمعادلات
الثاني لأنه يعتمد على المقررات اللي رايح تسجلها بالفصل الأول يعني هي تتحكم بالرسوم اللي تدفعها حسب استطاعتها مثل ما قلت من أول هي جاهله بالأنظمة الأكاديمية فمو عارفة تتصرف ومن أول شي واجهتها قفلت راسها وقررت تسحب
عادة اللي يجوا يجسرون يحبوا يضغطوا الفصول حتى يختصروا المدة بالإضافة إلى أنه يدرسوا مواد من مستويين مختلفين وغيرها فبالتالي يكون لهم خطة مختلفة وهالشي يؤدي لتغير الرسوم وبناء عليه لما جات تسجل تحدد المواد اللي بتسجلها وبالتالي يمكن حساب الرسوم لهذا الفصل فقط بشكل دقيق ... المبلغ اللي طلبوه منها حسب كلامها 25 ألف ، ما طلبوا منها 30 ألف في الفصل الأول حتى تحتج
ولو مثلا هناك خطأ في المبلغ تقدر هي بنفسها تحسب الرسوم بمعنى تضرب عدد الساعات المسجلة برسوم الساعة الأكاديمية الواحدة وبتعرف كم بيكلف الفصل ولو فيه اختلاف فحينها تناقشهم ... أما كذا فمو شايف أن هناك مشكلة ...

ملاحظة: أنا بصراحة ما أدري إذا المجسرين يطبقون عليهم نظام الرسوم حسب الساعات أو حسب سنوات الدراسة في كلتا الحالتين ما بتفرق كثير من ناحية أن ما في تناقض و من ناحية المبلغ اللي طلبوه الفصل الأول

ملاحظة: أنت طالب في الكلية وطالب أكاديمي بتمنى منك تتعلم الأنظمة واللوائح الأكاديمية لأنك أول واحد يحتاج لها خصوصا لما تواجه مشكله حتى تعرف اللي لك واللي عليك ...