|
- الله يسقي دار منهم بعيدين !
السلام عليكم ورحمة الله وبركاته
**
الله يسقي دار منهم بعيدين
والله يسقي دار منهم تَعَالو
عن حاجةٍ يدمع لها القلب والعين
يبونها ومْن المقادير ، مالو
وقفّوا وقفّت معهْم ايااام وسنيين
زالوا من الدنيا ، ولا فيّ زااالو !
منّول اذكرهم ، وبكره ، وذلحين
ياليتهم من ايسر الصدر شالو
قلبٍ موديني ولا ادري على وين !
ان كانكم تدرون ؟ يميّ تعالو
الارض تبكيكم مثل دمعة العين
وشلون اجل في ناسها يوم قالو
الله يرحم من تحتها له سنين
والناس في ذكراه صالو وجالو
ماطالو الفرقا وهُم لي قريبين
وشلون اجل ووُهّم بعيدين طالو
ردّي يادمع العين في محجر العين
مَ اقول لا تبكين ، يوم انّ حَالو
قولي عليهم رحمة الله آمين
على كثر ماهم من الطيب نالو
 
_
|