ياغايب عني عسى مابـك خـلاف
غايب ولالك بين الأحبـاب طـاري
قلي عسى ماشر ياحلـو الأوصـاف
أشغلت لي فكـري وشبيـت نـاري
لك مـدة مبعـد ولاعـاد تنشـاف
وش حيلة اللي بشوفتك دوم ضاري
لاياوجودي وجد عاشـق بمشـراف
شفه مجـي خلـه بليـل ونهـاري
محروق قلبه شـوق والدمـع ذرّاف
ذرّاف سحـاااايبٍ يشـق الصـحـاري
أشتقتلك ياأعذب من إحساس شفاف
والمشكله بالشـوق ياشـوق داري
مشتاق لك بردان وأنته لي الحـاف
أنا الغريب ودافي حضنـك ديـاري
من زود شوقي لك غدى ليلي اطياف
مـرات أجالسهـا ومـرات سـاري
دربك آلم ماهمنـي شوكـه الجـاف
أدوسه بأقدامـي وأضـم الغـداري
ياوقتي اللي راح وحاضر للاسـلاف
قلبي معك فكـري معـك يامـداري
وقتي بدونك غيـر ياكـود ينعـاف
يالعنبـو وقــتٍ يريد أنكـسـاري
شامخ وراسي للشواميـخ شـوّاف
ورى النجوم الشامخـات الجـواري
مير البلا عاشق غدى جسمه أنصاف
عيـا خفوقـه بالمحانـي يـداري
كلٍ عرف عشقه على حد وأطـراف
قصة عشق غنابهـا قلـب عـاري
ياغايب عني عسى مابـك خـلاف
غايب ولا لك بين الأحبـاب طـاري