|
رد: كَ لوحةٌ تأبى إلا أن تُسيلَ دمِ الألوانِ على شآكلة غصَّة .. هي ذِكرآهْ !
_
تجلس عجوز .. في أول السوق .. عند الابواب
وتحت الشبابيك .. وتبيع السوالف ..
وأغصان المساويك ..
ومايخالف .. لو باعتني الحكي ..
الحكي غالي هـ الايام ..
مريتها .. ابي الكلام ..
قلت : ياخاله أنا ..
إن نسوني الناس .. زعلت ..
وان اذكروني الناس .. زعلت ..
مادري وش فيني ..
نفسي وحروفي مبعثره ..
ضحكت وقالت :
لو عدلت .. ارتحت قلب وحنجره ..
الصحيح , ماعطيتها فلوس على العتب ..
وماريحتني من التعب ..
قمت وعلى عيوني غباش ..
مدت لي مسواك طري ..
وقالت لي بلاش ..
ان كانت سنونك نظاف ..
حطه في جيبك ياولدي ..
يجلي محآنيك الرهاف ..
عن كل إحساس ردي !
|