… .
والله إنـي كنـت ألـوم اللـي يضـيـق إن غــاب خـلّـه
لـيــن جـرّبــت المـحـبـه والـفــراق وقـلــت تــوبــه
لعنـبـو . جــد الـمـفـارق فـيــه هـــم . وفـيــه ذلّـــه
أثـــر كـــل الـحــب لـــذه والـفــراق أكـبــر عـيـوبـه
أمــس . فـارقــت الـغــلا ومـفــارق الـخــلان عـلّــه
والـعــلاج الـوصــل لاتـبـلـش طـبـيـب ولا حـبـوبـه
الـزعــل هـــو سـبّــة الـفـرقـا يـهّــز الـحــب كــلّــه
ليـتـنـي طـولّــت بـالــي قــبــل لا يـعـلــن غــروبــه
واهـنـي الـلـي وسـيـع الـصـدر صــدره وســع فـلّـه
غلطـة الصاحـب تجـي وتــروح مـاهـي بمحسـوبـه
عــارفٍ قـــدره وقـــدر الـلــي يـحـبـه فـــي مـحـلّـه
ذاك نفسـه لا حشـا ماهـي عـلـي الـحـب مغصـوبـه
ســامــح الله طـبـعــي الــلـــي لـلـتـغـيّـر يـالـعـلّــه!
قاضـبٍ خلـك عزيـز . ولـيـن صــارت لــي عقـوبـه
ليش تحسب غلطة الصاحب علي الصاحب مذلّه !؟
لـيـش ماتحـسـب ميـانـه لوتـجـي عشـريـن نـوبــه
لا وربـــي كـنــت أحـبــه حــيــل مــــادوّرت زلّــــه
لا تشـكـك فــي غــلاه . ولا تسـاعـد فـــي هـروبــه
لايـمــي . قـبـلـك تـعـبـت ألــــوم شــعــار الـمـجـلّـه
وكنـت مؤمـن فـي مقولـة أعــذب الشـعـر الكـذوبـه
وأثـــر كّـــلٍ فـــي حـيـاتـه لـــه تـجــارب مستـقـلّـه
وأنـت لا تشـره علـي . مثلـي . وتبـلا لــك بحـوبـه
كـــان جـابـتـك الحـمـيّـه روح لــــه تـكـفــا وقــلّــه
لا يـخـلـيـنـي وإذا ودّه يـخــفــف مــــــن ذنـــوبـــه
يستـخـيـر ولـــه غـــلا قـلــبٍ صـــدوقٍ مـــا يـمـلّـه
فــدوةٍ لــه كــل قلـبـي مــن شـمـالـه لـــي جـنـوبـه
يــوم قـفّـا والـخـفـوق يـفــوح عـقـبـه فـــوح دلّـــه
وســط وقــدة واحــدٍ عــزّ الشـتـا والـسـهـر دوبـــه
لاتـقـهـوى . بـــارده مـــن بـــرد فـنـجـالـه وزلّــــه
ثــم قرّبـهـا عـلـي جــال الجـمـر وأرهـــى شـبـوبـه
ويـــن يــدلــه هـالـخـفـوق وكــــل مـايـدلــه يـتـلّــه
طـاري اللـي ياكثـر مـا أتعبـت رجـلـي فــي دروبــه
لاطـــرى . جـريــت ونّـــة مـــن بـــلاده مسـتـحـلّـه
مـثـل مـاراحـت بـــلادي مـــع شـعــارات الـعـروبـه
كــل هـاجـوسٍ يجيـبـه جـعـل شـعــري فـــدوةٍ لّـــه
وأعـذابـي . كــل مــا جـابـت لــي القـبـلـه هـبـوبـه
مـشـغـلٍ قـلـبـي بـحـبـه دون خـلــق الله . مـــن الله
هيـه . ياللـي ممتلكنـي حـسـن وأسـلـوب وعـذوبـه
ماسمـعـت إن الـخـوي لــه بالـخـوي تسعـيـن زلّــه
وأنـــت طـــوّف زلـتــي يــاعــل تــفــداك الـلـعـوبـه
صاحبـي سـيـف الهـجـر . لاصــرت تـقـدر لاتسـلّـه
ماتـظـن العـفـو عـنـد المـقـدره أفـضـل عـقـوبـه ؟؟
أيه أنا اللي كنـت ألـوم اللـي يضيـق إن غـاب خلّـه
لـيـن . جـرّبـت المحـبـه والـفـراق وقـلـت تـوبـه !!
… . حمد السعيد