الْسَلآإمّ عَلْيكَمُ ۆرٍحَمُةٌ ٱلـّاـْہ ۆبُرٍكآتَھہ.
ابشركم رد علي الدكتور محمود بس للاسف الى الان وانا متوهق اكثر من التوهيقه اللي تم ذكرها في السابق
افادني الدكتور بانه يوجد عطل في النظام ولاكن اسمائكم موجوده في اداره تعليم المنطقه او المحافظة اللي انت فيها وقلتله يعطيك العافيه واعطيه ذيك الابتسامه اللي تفتح النفس الزبده ، وانا اكشخ واذهب كسرعه البرق الى اداره تعليم محافظه حفرالباطن ويسحبلون فيني ذيك السحبله اللي نصها يكفي ~> عندهم نقل من مبنى القديم لمبنى الجديد وكل واحد يحذف الموضوع على الثاني المهم بعد دوخه وجع راس دخلت على مساعد مدير اداره التعليم وادف الباب برجلي ~>> امزح داخل عليه بكل ادب واحترام واشكيله حالي
افادني بانه يجب عليه التوجهه الى مدرسه حطين في الدور الثالث تحصل الاستاذ محمد حجاج وهو المشرف والمسئول عن تطبيق طلاب جامعه الملك فيصل وهو راح يفيدك بكل شي انتهى .
وانا ادق سلف ولا اوقف عند المدرسه الاستاذ محمد موجود قالو لا والله مهو موجود طيب ابي استفسر هل لي اسم شي يمين يسار قالو هو اللي راح يفيدك انتهى . ~> تفاعلو معاي وكسرت خاطرهم وعطوني رقم جواله
المهم وانا اتصل عليه وهو يرد علي وافيده بكل شي قالي شوف ي استاذ ابريق انا ما جاني شي من الجامعه لحد الان احتمال يرسلونها مهو الاسبوع الجاي اللي بعده لاني انا الاسبوع الجاي بكون في الرياض قلت طيب الجامعه يقولون مرسلينها للاداره التعليم تكفى لا يروح علي التطبيق وانتظر للترم الجاي قال مهو صحيح ولم يصلنا شي لحد الان جونا طلاب معهم خطابات من الجامعه وقلتهم تجون على الاسبوع مهو الجاي اللي بعده انتهى .
الى الحين لا ادري ماذا اسوي ~>>
اخيراً اعزائي الطلاب بقي ان اقول لكم ~> طال الصبر والمنتظر مل صبره