اليوم الاول بالمدرسه
رحت اليوم الساعه ٧ لمدرسه الموجهه لها
ودخلت على الاداره السلام عليكم وعليكم السلام انا جايه من جامعه الملك فيصل
وهذا خطاب التوجيه قالو انتظري ندخلك للمديره ودخلت ايش ترحيب وايش دلع
قهوتني حسيت اني مشرفه مو طالبه
بعدين جت المعلمه المتعاونه الي بتقيمني
وجلسنا نتكلم شوي وقالت السنه الي فاتت جاني طالبات من جامعه الملك فيصل
وصراحه انتم لا تطلعون مشاهدات ولا شي وتجون فجئه تطبقون احس ماتكفيكم ابد اسبوعين
لازم ترم كامل عشان تعرفون الوضع والتعامل وتتعودون على الطالبات بعدين نقيم عشان نصير على حق ومانظلم احد
قلت والله الشكوى لله
قالت ابيك ٣ اسابيع نبدا الاسبوع الاول
من الاحد تجين بدري من ٧ الا ربع وانتي بالمدرسه توقعين مثل المعلمات
وتحضرين كل الحصص من ٧ الين ١١
الاسبوع الثاني
تكتبين كل مشاهداتك وتقييمك وتعاملك مع الطالبات
الاسبوع الاخير
تسوين دفتر تحضير فيه كل الدروس الي بتسوينها
وتبيني اشرح حصتين بالاسبوع الاخير
طبعا شامله كل شي من وسائل واوراق عمل
وشرح لدرس
قلت يالله توكلنا على الله
ونبدا من الاحد ان شاء الله