2014- 10- 18
|
#1791
|
|
المشرفة العامة سابقاً
ملتقى الفنون الأدبية
|
رد: كَ لوحةٌ تأبى إلا أن تُسيلَ دمِ الألوانِ على شآكلة غصَّة .. هي ذِكرآهْ !
_
تتغشمرين ؟
كيف أختصرلك ما بقلبي بكلمتين ?
وانتي خلاصة هالسنين
يا غايبه
ما كانت حروفي على بُعدك شعر
كانت عذابات وأنين
كانت سهر
وعيون تستسقي المنام
ولا تنام !
ولا كان يمطر هالغمام
إلا دموع ,
تشبه دموع التايبين
تتغشمرين ؟
ما لك على حُبي قسم
إني ضريت أتنفسك
وما كان صدري يمتلي , إلا حنين
وما كنت قادر أزفرك , لو كان ودي أزفرك
ولا كنت أبي " من باب إنّك تعلمين "
وما لك على حُبي قسم
إني على طول العمُر
وأقصد عُمر عشته معك
لني قبل ما أعرفك
كل الـ عشته كان : مُر
كم كنت أحسدني عليك
وأسجد شكر
لله إنه صورك
لو تعلمين
وما كنت أبيكي تعلمين
تتذكرين ؟
يومك زعلتي والزعل طوّل شهر ؟
من عمري حسّبته سنين !!
مثل الممات
تتذكرين ؟
وش كان ذنبي يومها ؟
قلتي اختصرلي محبتي في كلمتين
قِلي : أحبك مووت
وبكل اللغات
وما رضيت
ولا دريتي اني عجزت
كيف أحبك مووووت ؟
وانتي لي حياة
وكيف أختصرلك ما بقلبي بكلمتين ؟
وانتي خلاصة هالسنين ؟
تتغشمرين ؟
 
|
|
|
|
|
|