بروزت طيفك في خيالي أماني
يامبتسم مابين جفني وعيني
ماشفت مثلك في البشر حد ثاني
أنت الوحيد اللي تحلي سنيني
أشتاق لك وأكتب شعوري معاني
وأرسل لك احساسي ولهفة حنيني
وأدورك والقاك بين المحاني
في وسط قلبي منزلك ياضنيني
عايش في كل نبضة غلا في كياني
وأشعر بحبك في عروقي وفيني
أحسب كلامي لو نطق لك لساني
وأحسدك على مصافتحك حتى يميني
خذني غرام ولاتفكر تعاني
وأشربني حب ولا تعذبت أرتويني
عيش بعيوني يا غلا القلب هاني
ليلك سما جفني وشمسك جبيني
ودي أناظر في عيونك ثواني
والصمت شاهد بين شوقك وبيني
ودي أوقف في حظورك زماني
ووأقف الساعة الساعات تجيني
أبحرت أدور في غرامك مواني
وأتعددت في موجك وبرحك سفيني
لاجابتك صدفة ولا جيت عاني
متى تشوفك ياريش العين عيني