|
ماتعلمنا نكون أقسى من أشباه البشر
ماتعلمنا نكون أقسى من أشباه البشر
لو تعلمنا عرفنا كيـــــــــــف هـالدنيا تدور
القلوب الممكنة تنبض حسافات وقهر
والقلوب المستحيلة ماتعيش إلاتبور
ليه هالعالم يموووت ألف مره يابشر
يوم حسد ويوم حقد ويوم كره ويوم زور
ليــــه مانقدر نسامح من غلط او نعتذر
ليـه اكثرنا يجرح في بعضنا بكل سرور؛؛
ليـــه مانسعى الى حــــــــل النزاع المنتظر
ليــــه من أجل المصالح نشتهي حب الظهور
هي حكايتنا حكاية او حكايتنا قدر
هو قدرنا هو قدرنا ..او تعودنا نثور
ليـــــــــه يسبقنا الحديث مانفكر بالألم
نستمر بكل قسوة اتأزم هالأمور
يابني آدم كبيــــــــــر الظلم واوهامك أمر
اخلص النيه وجمل كلمتك بين الحضور
باكر تغيب الليالي عن ملذات العمر
وانت غارق في ظنونك ماتعديت الشرور
كلنا كنا ملامح ناس من غير الشعر
أو شعر يرسم ملامح غير والإحساس نور
كلنا كنا ضحية حلم ظلم ماقدر؛؛
يصدق بكل المعاني حلم مايملك شعور
ماتعودنا نصارح في سوالفنا ونقر
نعتقد ممكن بأن اللي يصارحنا يجور
فينا واحد كان قاسي وفينا واحد ماشعر
فينا من خان المآآآسي وفينا من خان الشعور
وفينا من يحلم فوق اغصان الشجر
وفينا من يغتال ضحكة طفل بأحلام الزهور
فينا من يشهق حنينه بين روحه والنظر
وفيــنا من يعجز يقول كلمه مابين السطور
فينا من يشعر بقيمة نفس اغناها الفقر
كم فينا ماعرفنا وكم نحتاج لصور
كم حنا مافهمنا و كم حطمنا الغرور
هــــــذا حنا كل منا ماعرف حكم القدر
والنصيب اللي يودينا لدرب القبور
بس لايمكن نكون اقسى من أشبــاه البشر
لو تعلمنا قساها بــــــــاكر الدنيا تدور
|