تحية للجميع
بصراحة لاحظت الترم هذا شي غريب مدري انا لوحدي والا الجميع لاحظ الشي هذا
وهو اولا
الهدوء الحاصل بالقسم هنا ولا فيه اي تفاعل الا من القله جزاهم الله خير مع العلم ان اغلب المشاركات استفسارات
احس الاغلبيه ضايعين مو عارفين كيف يبدون مع تغير الدكاتره
الشي الثاني وهو الأدهى
من باب ببدأ اذاكر مريت مكتبة فجر اللي بالدمام بطبع الملازم للاسف ماقدرت اسوي شي ورجعت مثل مادخلت
بسبب مادتين مالهم لا محتوى ولا ملخصات
وغير هذا لازال عمار المعاني اسمه موجود
بصراحه الان ضايع مادري كيف ابدأ
اللي عنده اي ملخصات تنفعنا ونصحه فيها احد سابقا ينزلها لنا نستفيد
لان لا المكتبه خدمتنا ولا فيه معلومات نستند عليها
وحتى اول محاضره مباشره كنت متأمل خير فيها وسحب علينا الدكتور لان على الاقل بيقول ايش نعتمد عليه
واتمنى في هالفتره مع المحاضرات المباشره يكون سؤالنا عن المحتوى لان بيفيدنا الدكتور
اتمنى لنا التوفيق والجد والعون من الله
دمتم بحفظ الله