|
اللي سمعته من دكاترة محاضرة مهارات التفكير .. والعقيدة (مباشرة)
السلام عليكم
انا حضرت محاضرات امس الخميس المباشرة مستوى أول
وبذكر لكم جزء بسسيط جدا من اللي اتذكره من كلام الدكاتره
تبع التفكير ومهارات التعلم ل د عبد الحميد ..
شغله تمام بس اعتمدي عالمحاضرات والمحتوى اللي عنده ..
ماله شغل بملازم فلان وغيره
فقط يطالبك بمحاضراته ومحتوى الماده تبعه وقال ان شاء الله بتاخذون +a 
اما العقيده .. ل د محمد القطاونة
قال توسع المنهج ولا تعتمدون عالمحتوى اللي نازل عندكم والمحاضرات فقط !!
لا
قال انا اطالبكم بكتاب وضعنا كل شيء فيه
وقال : ان الأسئلة جبتها من الكتاب وتلاقونه بالمكتبات
اسمه ( مباحث في العقيدة الاسلامية والمذاهب المعاصرة ) لـ د زياد الحمام .. ومجموعه من دكاترة جامعة فيصل ومن ضمنهم د محمد القطاونه
وشرح طريقته بالأسئله .. مانحفظ الايات الموجوده لكن نعمل لها رابط بالنقطه اللي انذكرت فيها ..
مثلا يجيب آية (ألا يعلم من خلق ....)
ويحط لك ذُكرت هذه الآيه في أي خاصية من خصائص العقيدة ..
1/ ....
2/......
3/خاصية الوضوح
4/........
وكذا تختارون الاجابات
قال : مابيني وبينكم الكتاب فقط .. يعني اذا احد بيحاججه مستقبلا بالأسئلة يكون مذاكر من الكتاب .. اما اللي اعتمد عالملزمه المحتوى والمحاضرة ماله شغل لانه طالب بالكتااااب << بما معناه
وقال شغله للبنات اللي يحضرون المحاضرة مباشره .. شكل بعضهم يستهبلون والا يسئلون أسئله شااطحه ومالها علاقة بالدروس  هههههه
قال أسمائكم كامله تظهر بالشات او اثناء الاتصال الصوتي يظهر الاسم (فعلا كنت اشوف اسمائكم كامله )
واللي تسأل شي خارج المنهج راح يتصرف .. تهديد  تفشلوون مدري وش مهببين مع الدكتور
اتوقع نتيجتها رسووب والا بخس بالدرجات 
التعديل الأخير تم بواسطة ضحكة بارونه ; 2014- 10- 25 الساعة 06:18 PM
|