اول شي اتكلي على الله عز وجل
وثاني شي لازم تكون عندك همه عاليه

ونجي للموضوع
الاختبارات حقت الترم الاول انا اشوفها كانت ممتازه بعض الشيء
وترجع بالاول والاخير لـ الشخص نفسه وكيف كان استعداده للأختبار
وبالنسبه لدرجات الواجبات والمناقشات والحضور هذي بيدك انتي مو بيد الدكتور
اذا والله حضرتي كل المحاضرات او حملتيهن خذيتي 10 درجات
وحليتي كل المناقشات خذيتي 10 درجات
اما الواجبات فـ درجتهن اوريدي تطلع لك بعد حل الواجب والواجبات مقسمات كـ التالي
الواجب الأول 3 درجات لكل سؤال درجه والثاني 3 درجات لكل سؤال درجه والثالث 4 درجات لكل سؤال درجه

وبالنسبه لأهم شي نصيحه من اخ
1_ ذاكري المحاضرات اول بأول
2_ حلي جميع المناقشات والواجبات وحملي كل المحاضرات او احضريهن كله واحد

بالنسبه للمذاكره اعتمدي على
1- محتوا المحاضره اللي هو شروح البور
2- ذاكري اسألت الواجبات والمناقشات
3- راجعي الملخصات اللي ينزلوهن الاخوان قبل الاختبار بفتره
4- اختبري نفسك بعد ما تخلصي من المذاكره بالكويزات اللي ينزلوهن الاخوان
ولا تعتمدي على الكويزات لانهن من اجتهاد الطلاب
5- راجعي الأسأله حقت الاعوام اللي فاتت لأن الدكتور إذا ما تغير يجيب بعض الاسأله من الأختبارات اللي فاتت
بس اهم شي لا تعتمدي على اسألت الاختبار الماضيه
وبإذن الله فالك النجاح والتوفيق يارب
هذا اسلوبي الشخصي واذا احد عنده اضافه يضيف للأخت