|
ايدي بأيدك لنصل سوا للتفوق .. كتير بسيط وكتير سهل
سلام عليكم ورحمة الله وبركاته
مسا الخير كيفكون 
انا رنيم نحنا القسم تبعنا سكيولوجي وكتبت الموضوع عنا هنيك بالسكشن بس حبيت أنو الكل بستفاد 
شو لسا مافئتو ؟   خلص ماضل شي ع الفحوصات  
هلأ نحنا مضى النا وقت كتير كبير هون مشان هيك صر لازم كل واحد برتب الوقت تبعو مشان شو ؟
لحتى كل واحد فينا وقت بلاقي A+ عندو بحس بفخر كبير وبحس أنو عمل شي كتير منيح .gif "(204)")
هلأ كيف مندرس ؟؟ 
نحنا عنا بالشام وقت كنت بدرس هنيك شهر أسمو ( شهر الانقطاع )
شو منعمل بهاد الشهر .. منضل عم ندرس وندرس وندرس 
كانت طريقتي أنو بدرس كل منهاج لوحد يعني مابحب ادرس منهاج وبكمل بمنهاج تاني  بحب اخلص كل واحد لوحدو
وكل واحد بيدرس بطريقتو
اكتر شي كنت بحب ادرس المسا يعني من هاد الوقت لوش الصبح وبنام مابحب ادرس بالنهار أبدا
وكل واحد متل مابحب وبالوقت ياللي بحب
هلأ هون بس فتت ع الجامعة صرت بخلص كل أمور النظام يعني واجب مناقشات وهيك قصص
وبعدو بتأكد انو طبعت كل منهاج بدي ادرسو وببلش بدرس
طريقتي أنو بدرس اول يوم 5 محاضرات وبالتاني 5 وبالتالت 4 مع مراجعه لكل المنهاج
هيك ليخلصو كل المواد 
وبس بفوت وقت الفحص بكون عم استرجع كل المعلومات ياللي درستا من قبل 
ووقت مانحنا عم بنحل الفحص بكون كتير سهل وكتير هين
وقتا كنت بروح ع الفحص مابحب معي أيا كتاب وأيا شي الو علاقة بالموضوع لأنو درست منيح خلص بتكل ع الله
شي حلو انو يكون حد الواحد وقت ماعم يدرس شغلات بحبا .. هلأ انا مابعرف ادرس من غير شوكولا وقهوة
فيكي تحطي حدك شو مابتحبي وياللي بريحك 
وهيك سوا منصل للأمتياز بكل سهولة
بتمنى يوم سعيد للجميع
التعديل الأخير تم بواسطة RANEEM YASSER ; 2014- 10- 26 الساعة 09:18 PM
سبب آخر: ماحبيت اللون تبعو
|