2014- 10- 28
|
|
متميزة في منتدى كلية الغد
|
|
|
|
متطلبات للمقدمين ع التخرج و دروة bls
بسم الله الرحمن الرحيم
وسلام المحبة للجميع ...
سنة رابعة .. ان شاء الله تكون هالسنة خير عليكم
واستمتعوا بالدراسة وبالاخص مشروع التخرج في السمستر القادم
وشدوا حيلكم عشان نحضر تخرجكم
حبيت اعلمكم عن اوراق مطلوبة .. للتدريب ( سنة الامتياز )
1- فحص طبي
2- ورقة التطعيمات ( حاولوا تخلصونها خلال هالسنة )
3- صور شخصية ( بيطلبون 2 )
4- حسابكم بالبنك ( رقم الايبان )
5- شهادة لدورة bls
كل الاوراق تودون لهم نسخ مو الاصل واحتفظوا بالاصل عندكم
حاولوا كل الاوراق تخلصونهم ما عدااا دورة bls خلوها اخر شي
بعد ماتخلصون دراسة لانه مدة صلاحيتها سنتين وتحتاجونها عشان تقدمون ع اختبار الهيئة
..................
BLS
اهي عبارة عن دورة الانعاش القلب الرئوي
طريقة التسجيل
اولا :- تسجلون في جمعية القلب السعودي وبيعطيكم رقم الفاتورة
رسوم التسجيل 50 ريال التسديد عن طريق نظام سداد .. رمز الجمعية في النظام 133
لمدة 3 ايام ...
بعد 3 ايام الفاتورة تكون غير مفعلة ,, تقدرون تفعلونها عن طريق االاتصال بالجمعية
ت: 920000742
بعد السداد دخلوا الموقع بيرسل لكم رقم التأكيد
وفعلوا الحساب بادخال االرقم
ومبروك عليكم التسجيل في الجمعية
هذا مو قع جمعية القلب السعودي
http://ksacpr.org.sa/
بعدها تقدرون تختارون الدروة والمكان وتسجلون فيه من الموقع ...
او تروحون للمستشفى اللي تعطي الدورة و تدفعون الرسوم
( بيسألونكم اذا سجلتوا بالموقع او لا ... )
انا سجلت في مستشفى الموسى التخصصي بالاحساء رسومها 250 ريال
خذتها باللغة العربية
الدورة تقدرون تاخذونها اما باللغة العربية او اللغة الانجليزية
والشهادة بتكون بالانجليزية من جمعية القلب السعودي
المدة : يوم واحد من 8 صباحا حتى 3 عصرا ( او ع حسب عدد المسجلين في الدورة )
احنا كان عددنا قليل خلصنا بدري ( 12 ونص ) وكان فيه وقت مخصص للفطور والصلاة
فيه مستشفيات تعطي الدورة مسائي ...
الدورة جداا سهلة
محتويات الدورة :-
1- الانعاش القلب الرئوي للبالغين ( مسعف واحد .. مسعفين )
2- الانعاش القلب الرئوي للرضيع ( مسعف واحد - مسعفين )
3- علاج انسداد مجرى الهواء للبالغين
4- علاج انسداد مجرى الهواء للرضع
5- طرق استخدام جهاز صدمات القلب الاتوماتيكي والادوات المانعة لانتقال العدوى
بداية بيشغلون لكم فديو لمدة ساعة
وبعدها يجي المدرب ويطبق لكم عملي ويشرح لكم
وبعدها يكون اختبار جزء عملي وجزء تحريري
اولا :- الجزء العملي تطبيق ماقام به المدرب
ثانيا :- الجزء التحريري
يتكون من 20 سؤال ( اختياري فقط )
درجة النجاح في الاختبار 80%
وهذي الاسئلة بالعربي والانجليزي
~$اسئلة .docx
...............
تقام الدورة في الاحساء
1-مستشفى موسى التخصصي في شارع الظهران
2- مستشفى الملك فهد في الهفوف
القطيف
مستشفى الزهراء
الدمام
مستشفى الروضة
مستشفى الملك فهد التخصصي
( اي احد منكم يعرف مستشفى اخر في الدمام او القطيف او بالخبر او عنده اضافة للموضوع يفيدنا )
اي سؤال احنا حاضرين لكم
دعواتي لكم بالتوفيق
التعديل الأخير تم بواسطة هدوء البنفسج ; 2014- 10- 28 الساعة 04:01 AM
|