شكرا لكم ولمروركم للامانه حطيت الموضوع وتوني ادخل مرة ثانية الله يرحم ايام اول يوميا مسنتر بالمنتدى
بالنسبة لمن يقول بشرنا وش سويت بعد التخرج هههههه
ابد ولا شي رحت واخذت وثيقة التخرج وعطيتها الموارد البشرية عندنا بالعمل وحاليا التفكير بالماستر بإذن الله
وابشرك اليوم طلعت نتيجة اختبار القدرات 81 بفضل الله
لمن سأل عن الكتب والملخصات اعتمدوا بعد الله عز وجل على المحتوى خلو عنكم الملخصات لا تجيبون العيد :)
اما الكتب للامانة من دخلت لين تخرجت ما شريت ولا كتاب
ملاحظة هامة الاسئلة اللي يحطونها الاخوان هنا جزاهم الله خير هي اجتهادات ودايم يجي فيها اخطاء انتبهوا من الاعتماد الكلي عليها ولا يمنع تكون للمراجعة بعد المذاكرة والتأكد من الاجابات قبل حفظها
نصيحة لمستوى ثامن اختبروا القدرات من الان علشان الماستر لاني توهقت قفل التسجيل بقياس وتوه فتح بعد ما قفلت اغلب الجامعات من القبول للماستر
اسأل المولى عز وجل لنا ولكم التوفيق والسداد