|
آلصمت له عندي معزّه ومقدار
آلصمــــت لـــه عنـــدي معزّه ومقــدار
في زحمة الافـــواه يا مزين الصمت !!
لا صـــار بعض البوح عند البشر عار
لــو يشتـــعل جوفي حشى ما تكلّمـــت
تعبت من قولة : (علامك) و وش صار ؟
وان طحت ما ألقى سوى كلمة (سلمت)
واعذار اخلقــها ولو مــالي اعــذار
مشّيتها مـــره ومـــرات ما رمــت !!
كذبة صباح الخير/ يا صبح الانوار
عذري ليـــا عدّت ليالي ولا نمـــت
اسهر طوال الليل وضْيوفي افكــــار
واقول لاْصحابي : نعم توّني قمت !!
ماعــاد فيني ألفـــت عْيــون واْنظــار
يكفــي بأنــي من زمـــاني تعلّمــــت
ان الصـــدر بيت ٍ.. وسكّــانه اسرار
نيّـــام .. بس يصحون لامن تألّمــت
يصحون وينـــاظرهم الجـار والمــار
وش عـاد ينفع سترهم لو تكتّمت ؟!!
آقــدّم اقــدامي على درب الاصـــرار
امشي ولكـــن للأسف مــا تقدّمــت
النــار قدامي .. ومن خلفي النــار !!
والعمـــر يمضي بي وانا مــا تولّمت
الين ذاك الحـــلم في لحظـــه انهــار
وانا مع لحظــــة سقوطـــه تحطّمت
جروحي كثــــار..وتنـــــاهيدي كثار
لكن على كثر المواجع .. تبسّمت !!
ثم أْلتزمت الصمت وعزومي اكبــار
ولو يشتعل جوفي حشى ما تكلّمت
مما راق لي
|