فزعتكم
السلام عليكم ورحمة الله وبركاته ،
مسيتم بالخير جميع ، حي الله الزملاء ، المنتظمين والله يعين المكافحين المنتسبين لظروف العمل او غيره ولايمديهم يكملون انتظام لاي سبب كان والله يعينا ويوفقنا ويسدد رمينا { عز الله جهاد }  . هذي اول مشاركة لي عندي كم استفسار ابطرحه ، وايضا فيه واجب متوهق فيه حليت مرتين غلط وباقي لي مرة مع العلم اني فتحت المحاضرات والمحتوى ( يعني ماحل وانا مادري وش الطبخة ) عموما ماطيل عليكم نبدا بسم الله :
ـ كيف احدد مركز الاختبار واعتقد انه مغلق لان حاولت ادخل عليه الخيار مقفل بالنسبة لي واذا استمر مقفل ولا قدرت اغيره وين راح يكون مقر الاختبار ؟ هل افتراضيا يكون بجامعة الملك فيصل بالاحساء ( الرئيسي ) ؟
ـــ
ـ كيف ادخل على جدول الاختبارات هل بيكون فيه لي جدول موضح باسمي ولا جدول يعم كل اصحاب المستوى الاول ينزل موضح المواد ،انت عليك تشوف موادك لو هي منها؟
* مع العلم اني بالمستوى الاول ( كلية الآداب ) تخصص ( انجلش )
بآقي اخر شي اللي هو الواجب الاول بالنسبة لمادة تقنية المعلومات مع العلم ان الواجبات بعضها تغير مو نفس اللي بالمواضيع وهذا من ضمن الواجبات اللي تغيرت بسوي سناب شوت للشاشة ( بصور الشاشة ) ولاتبخلون علينا بالحل الله يجزاكم خير .
[IMG] [/IMG]
التعديل الأخير تم بواسطة IbraHarbi ; 2014- 10- 31 الساعة 06:26 PM
|