|
رد: .......... نهاية حلم .............
سلام الله على ظلم الفـراق وقسّـوة iiالأيـام
عسى ربي يسهلّ لك طريقك وتحيـا iiوتـدوم
رح ووجهك بياضه من بياض الصبـح ماينـلام
وانا من مدّة ايدين البخـت يرضينـي المقسـوم
وش بيدّي وقف حظ الفقير وماتـت الأحـلام
إذا حبّك من أوّل يوم وفراقك مـن أوّل iiيـوم
رقبتي قفلتين وسيف هجرانك مسيـرة iiعـام
جلدني وأنكرتي ملحة العشـره وربعـي iiقـوم
يهونها لو أن الحظ يسّلـك مسّلـك iiالأقـدام
ماكان أوصل حدود الأرض وأعوّد وأنا محـروم
تصافق لك معاليق الضماير يا بعـد مـن قـام
وخلاني خصيم لوسعة الصدر ولذيـذ iiالنـوم
أداري عبرةٍ ضامت عيونـي والعيـون iiتضـام
وأكبّر هقوتي لا كبرت الشرهـه وكبـر اللـوم
ياويلي من مناديب الضنون وطرقـة iiالأوهـام
تساويني معك فـي خانـة المحمـود iiوالمذمـوم
تشوف أنّك على حد اليمن وتشوفني في iiالشام
وأشوف أنّا على وجه الحياه أثنين تـوم iiوتـوم
تذكّر وأنت عنّي بعـد الأبـوّه عـن iiالأيتـام
رهين الغربه اللي مـن ديـاره ماتجيـه علـوم
بعد مادار عام من المفارق يـا غـرام iiالعـام
وروحي مابقى الا زفرتيـن وتبلـغ iiالحلقـوم
لا ترخص قيمتي لامن تذكرتـك وأنـا iiقـدام
وجيهن تذكر الظالم ولا تـدري عـن المظلـوم
مابعتك بالسحايب والبروق السمر iiوالأنسـام
وساموني بتلويحـة وداع وبعـت بـأوّل سـوم
سئمت العيش (نون وصاد) واللذات (سين ولام)
بنـادم والبنـادم حيلتـه ماتوجـد المـعـدوم
مادام الصحف جفت وأنت رحت ورفعت الأقلام
على حبٍ من أوّل يوم وفراقٍ مـن أوّل iiيـوم
|