2014- 11- 4
|
#397
|
|
متميزة في قسم حواء
|
رد: الهبوب ............الشمالي ...بنت وايل
قبل إشوي كنت أتصفح صور على النت وطاحت عيني على هذي الصوره وشيء شدني لها
 أنا أعرف هذا المكان ومتأكده لكن اللي مكتوب فوق غير وكلمت أحد صديقاتي وسألتها
وفعلا" هالصوره هي مكان أجمل ذكرياتي في الطفوله
إطلعت لمدرستي الإبتدائيه  وهي في منطقه تبعد عن الرياض 500 كيلو
ولكن حولوا المبنى لكلية للأقسام العلميه وكانت أول مدرسه في المنطقه حكوميه وكبيره بالحييل
 بقولكم عند هذا الباب أول مرررره أحب الأرض  لاتقولون لأحد
كنت في الصف الثالث وقررت ألبس عبايه وبعد غطا ونزلت من الباص وجا طرف العبايه من قدام تحت رجولي
وبعدها  قبلت الأرض بحراره  الله على ذيك الأيام ياأم قرنين  وأبو عبد الله سواق الباص الله يذكره بالخير بطل راليات كانت تجلس البنت على الكرسي في الباص ومع كل لفه تلقى نفسها بالوسط على الأرضيه
 ودائما" من سرعته يقفل الباب على عبايات البنات  وابو سليمان عنده بقاله قدام المدرسه وعند الطلعه لازم آيس كريم قبل نطلع الباص تعودنا ومن خوفه علينا صار يرسل هندي يشتغل عنده يوقف عند الباص ونشتري منه آيس كريم  قلبي الصغير لايتحمل
|
|
التعديل الأخير تم بواسطة عريبღღ ; 2014- 11- 4 الساعة 09:14 PM
|
|
|
|