أسبوع ..




أسبوع مرّ !! ولاوصل منك مرسـال
ياقوّ قلبك كيـف تقطعنـي أسبـوع ؟!

الجوع كافر ! وانت ماترحـم الحـال
وانا عليك مـن الولـه ميـت ٍ جـوع

ياللي غيابك صعب يطري على البـال
تركتنـي ضايـق وحايـر ومفجـوع

ماكنّـي الا: شايـب ٍ فاقـد عـيـال
وماكنك الا: محرم ٍ حق مشـروع !

يفوع لـك قلبـي ليـا مـر الاطـلال
ياليت مالـي قلـب يشتـاق ويفـوع

حسبي عليك شلـون قطعـت الامـال
بآآآموت لاصار الامل فيـك مقطـوع

ياصاحبـي ماكـل نـزّال رحّــال
انت الحيّا من وين مارحت متبـوع !!

نسيانـي لـزول ٍ بالاعمـاق يختـال
اصعب على صاحبك من حبة الكـوع

لو الثمن في شوفتـك عمـر رجـال
كان الثمن من يوم ماغبت مدفـوع !!

ولو القدر مـا تـم قولـه ليـا قـال
ماضاق صدر ولا انحنى راس مرفوع

ياصاحبي عشقتنـي فعـل وخصـال
وانا عشقتك شعر واحسـاس وطبـوع

وشلون تتركني كذا لا اشهـب الـلال
وقدّام عيني تجف ينبوع .. ينبـوع !!

وانا عشانـك جيـت والغيـم همّـال
اسيّـل الوديـان واداحــم جـمـوع

ماردّنـي عنـك سوالـيـف عــذال
تزعل عليّ ربوع وتقـدّر ربـوع !!

كان المهم اعيشـك جنـون ووصـال
ويكون لي كلمه ولـي راي مسمـوع

واليوم ضاقت بي من الجـال للجـال
فرقاك تقصـم ظهـر وتحـز وتلـوع

لو جيت شفت الحال ماسـرّك الحـال
في غيبتك ضايـق وحايـر ومفجـوع

هذا غياب اسبوع وشلـون لـو طـال
طالبك .. لايطوّل غيابك عن اسبوع !!

جروح الأماني ..



إستريـح شـويّ .. واسمعنـي ثوانـي
بعدها مسموح .. قول اللـي تقولـه ..

جيت لك والقلـب ماهـو بالمحانـي !
شف قبل لوصلك سابقنـي وصولـه !!

ووالله ان لو لا الغلا مـا جـاك عانـي
يا بعـد منهـم بكولـه و ضحكولـه ..

عاشقك سـوّاح !! وعيونـك موانـي :
اخذني ّ .. من الحزينه .. للخجولـه !!

أبتسم خلنـي افضفـض لـك عشانـي
الحكي غصن ٍ عجز صوتي يطولـه ..

تعقد احجاجك وتعقـد لـي لسانـي !!
المطر يـا غيـم ضميّـان لهطولـه !!

خاطري مكسـور مـن قسـوة زمانـي
وانت ( كنْك إياااه ) وفعولك فعولـه !!

تعتبرني .. شخـص مغـرور وأنانـي
واعتبرك .. الكون في عرضه وطوله ..

آآه لـوّ تحـسّ بـجـروح الأمـانـي
كان مـا تزعـل علـي ّ بهالسهولـه !!

حط ( عمرك ) يابعد ( عمري ) مكانـي
وان لقيت قصور ؟؟ قول اللي تقولـه ..

وأنتبـه يـا سيّـد الغـيـد الغـوانـي
التشّـره والمعاتـب لـه أصـولـه ..

لا تساومـنـي ولا تـجـرح كيـانـي
كل شـي ّ إلا ّ الكرامـه والرجولـه !!

العيب مايصيب سهلي ..




قصيده إرتجاليه ..

يا الـردي علـى الـردى مثلـك يشيـب
تكـبـر ويـكـبـر رداك وتمـتـلـي ..

الجهـل مـا عالجـه طــب وطبـيـب
ذا بــلا.. والله يـعـيـن المبـتـلـي ..

باتغاظـى عنـك واتحـاشـى واغـيـب
عـن شعيبـن عافتـه قــدم جمـلـي ..

مانـي مجبـورن اعيـشـك كالنصـيـب
لا انته من ربعـي ولا انتـه مـن هلـي ..

واعرف ان ((ضيقي)) على شرواك طيب!!
واحسـب احسـاب المعانـي وزعلـي ..

جابـك الله وهاجـس المعـنـى قـريـب
انتهـض شعـري وانـا مانـي خـلـي ؟!

عنـدي فكـرة بيـت مــا ودي تخـيـب
ولّعـت قافـي.. وعـانـه يصطـلـي ..

وانـت هالمـره ابـي تصـبـح لبـيـب
افهـم احساسـي وترجـم مايـلـي :-

لذيابـه مــا تـخـاوي كــود ذيــب
و(الثعـل) شــرواك عـنـه تعتـلـي ..

فلاتحـاول تعتـبـر نفـسـك صحـيـب
لان هالصحبـه تـرى عيـبـن عـلـي !!

ذاكـرك ضيقـي مـع اللـيـل الكئـيـب
ولا تظـن ذيــك السحـابـه تنجـلـي ..

مير .. خلهـا ع الولـي .. والعيـب عيـب
والعيـوب كثـار.. وخلهـا ع الـولـي ..

وكان ( رمياتـك ) مـع غيـري تصيـب
فعرف ان العيب ما يصيـب (( سهلي ))..