إما بموت من الوله ولا بموت من القهر ! / محمد جآر الله السهلي
أي والله اني ضايق ومرهق ومخنوق وحزين
و إما بموت من الوله ولا بموت من القهر
واللي لعب في حسبة ايامي وخلاّها سنين
إني على ذا الحال يا شعري لي اكثر من شهر !!
بعت المدينه لجل عين وقالوا الخافي يبين
ودفنتك بجوفي وقالوا وش بقابك ما ظهر ؟!
يا مطوّل الغيبه يا طول الشوق مير الله يعين
العاشق اللي عاش ظامي بين عدّك والنهر !
عيّدبي غيابك سنه والليله من العايدين
ولا عاد عيدك يا الجروح اللي بقلبي من دهر
يا صاحبي لو تعتذر عن غيبتك عذرك سمين
حبك بعد ما غبت عن عيني تمادى وازدهر
من يوم شفتك والنعاس بعينك النجلا سجين
ومن نفس ذاك اليوم و عيوني سجينه للسهر !!
علقتني بالضحكه اللي تسبق الغمازتين
وتركت لي شاعر !! كتب فيك القصايد واشتهر
سيّلت دمعك واستباح الدمع ستر الياسمين
وعلمتني كيف الندى يجمّل خدود الزهر !!
ليتك عقب ما غبت غيّبت اشتياقي والحنين
أو ليتني ما قد دفعت احلام عمري لك مهر
وياصاحبي لاعاد تسألني عن الحزن الدفين
أقسى الطعون : الطعنه اللي من حبيب و فالظهر !!
بسافر بدون عتاب؟!
يقول المحبه ويش لوغابوا الاحباب؟
اقول الجسد..من غير نبض وشعور وروح
:
يقول النهار يغيب! وش موقفك لاغاب؟
اقول ان رضيت اسكت..يصير السكوت..البوح
:
يقول الستر..سمعه وذكر وفعل وثياب!
اقول المحب من الوله والسهر مفضوح
:
يقول انت قايل لي بسافر بدون عتاب؟!
اقول ايه! قبل اضيع في وجهك المملوح!
:
قبل تبدي الاعجاب وابادلك الاعجاب
قبل..تاخذ احساسي وقلبي عبث وتروح
:
قبل..ينفتح لك بين عوج الحنايا باب
ويبقى على طاريك طول العمر مفتوح
:
قبل..لاتوهق فيك يالصادق..الكذاب
قبل..لاتحطم منك يالمخطى..المسموح
:
قبل..لاتعلقني وترحل بدون اسباب
قبل..لاتعلمني اعد السنين جروح!
:
قبل..يتبعك وانت تمادى جفا وغياب:
قصيدي ودمع عيوني وصوتي المبحوح!
:
ياليت الزمن يرجع واحسب لجفاك حساب
وعد..ماتعلق فيك وانساك..قبل تروح
فِ أخر الطرف شامه
جعل قاعك سيـل يـا شـرق المنامـه
فيك من حببني فـ( ييبه ) و ( كاهـي )
أكحـل ٍ طرفـه رفـع سـوق اللثامـه
مرثع ٍ فاللي سهى فـي طـرف ساهـي
أتلـع ٍ فآخـر طـرف شفتـه شـامـه
شوفهـا مصـدر تـوجّـادي وآهــي
نافـر ٍ صـدره إليـا وقّـف وزامــه
كنك توايـق علـى ابريقيـن شاهـي!!
قاطعه قد لي سنه ؟! أبـي السلامـه !!
اتلهـوى ولا انــا مانـيـب لاهــي
خايـف ٍ مـن وقفتـي يـوم القيامـه
يـوم مـا تنفعنـي فلوسـي وجـاهـي
يالله انــك لا تلحـقـنـي آثـامــه
طالبـك عفـوك ولطفـك يـا آلاهــي
( مَثـل الدُنيـا ) مثـل كفخـة حمامـه
كلمـة ٍ مـن بـادي بتوصـل لناهـي
ويا خـذ الإنسـان مـن دنيـاه خامـه
وما فعـل حسـب الأوامـر والنواهـي
ويـا مروّجـة النميـمـة والرخـامـه
فالصحافـه والمجـالـس والمقـاهـي
لا تعبتـوا يــا منـاديـب النـدامـه
علمكـم ضايـع وراع العلـم فـاهـي
قـد خذيـت ابلـه وزاده مـن خيامـه
والحبيب يخطـط وينـوي شياهـي !!
غير يبطـي عظـم وبتبطـي عظامـه
مـا قـوت تمشيبـه دروب الـدواهـي
لـو صنعتـوا بوصلـة عـز وكرامـه
إتجـاه البوصلـة يعـنـي اتجـاهـي
النهـر جـاري و يـا قـوّ احتـدامـه
والمنابع مـن فضـل ربـي كمـا هـي
كـل صاحـب ذايقـه يشكـي حيامـه
يارد ويشـرب ويـروى مـن مياهـي
شاعر احساسي فكر !! وأرضي غمامه!!
واكثـر الشعّـار مـا شـد انتباهـي !!
يفـرض ابداعـي وقـاره واحتـرامـه
بين زحمة موضة الشعـر الفكاهـي !!
مـا خذيـت مـن البعيـر إلا سنامـه
ولا تركت مـن الثقـة غيـر التباهـي
اعـرف الرجـال مـن منطـق كلامـه
وافخـر بعقلـي واماريبـه واضـاهـي
مـا زهـى راس الزعيـم الا الزعامـه
والمواقـف زاهيـه والـراس زاهــي
فـان بغيتوهـا شعـر ولا ّ وسـامـه
والله انـي فـي كِـلا الثنتيـن راهـي