2014- 11- 5
|
#3
|
|
المراقبة العامة
|
رد: ... أحمد الصانع ...
تدري وش سوّى غيابك؟
تدري وش سوَّى غيابك ؟ .. موَّت غيابك سوالف
ما يخوِّفني زماني .. بس من فرقاك خايف
فجأة أصحى وما أشوفك .. لا تهددني .. ظروفك
إعتبرني .. حلم واقع .. وإلاَّ ظلٍ ما يطوفك
ضاميٍ .. عطشان جيتك .. لا يعشمني سرابك
تسـمح بكلمـة ؟ بغيتـك .. قبل لا تبدي .. غيـابك
تدْري وشْ معْنى غيابكْ ؟
يعني :
أسْوَءْ شيْ شفْتَهْ طولْ عمري
تبْدي ضحْكاتي هلابكْ
وفي وداعكْ
ما ينامْ الجَرحْ بدْري
وإنتْ كيفكْ
شوفْ وشْ ناوي عليه؟!
هاكْ قلبي وهاكْ سيفكْ
وسوْ فيني اللي تبيه
لا تحاتيْ
صفّحْ بكيفكْ جروحي
وإشْطبْ آمالي وطموحي
وإعْتبرْ قلبي كتابك تدري وشْ حطّم غيابكْ
مرْكَبْ بداخلْ شعوري
منْ نسى قلبكْ حضوره
قلبي ما واجَهْ .. شعوره
عندي ما به شي ضروري
فاقد إحساسْ الأماني
لا مراسي لا مواني
وصارتْ الدنيا .. قسى
وصار دوري
أعشق أنواعْ الأَرَقْ
وألفظ أنفاسْ الغَرَقْ
وصوت معناه الخَطَر
وقلبْ ميّتْ .. يحتضر
منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي .. مسا
يا ح**** في غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني
والسؤال اللي ذبحني :
- صج أهو فعلاً نسى ؟
راح وأهداني الأسى
وما وصلتْ إلا لـ حقيقه :
الجفا أسْهَلْ طريقه
للقسى
|
|
|
|
|
|