بسم الله
تصدقون نسفي نسفي اسوي دراسه على عقول البشر
واول عقل ابدأ فيه عقلي
بسم الله الرحمن الرحيم عندي مخ لحسه
احياناً اقول وش زينه وش ملحه
واحياناً اقول لا لا لا مش معقول واقول مافيه مافيه عقل ابد ابد
بس بديت اكتشف يوم اني اصير بلا عقل احس اني كويس
واحس بعد اني ما اهتم في شيء
واحس بعد اني مدري شسمه ذاك
وشو وشو وشو وشووووو وشووووو ياربي
ايه ايه
احس اني تمام حتى القولون عندي يصير تمام
تصدقون حتى وزني يزيد
لاني بلا عقل وزني 53 وبالعقل يصير 51
فبديت استنتج من بحث مكثف على مخي
انه مايبيله يشتغل لانه اذا اشتغل اشغل جميع اعضاء الجسم عندي والخلايا وكريات الدم الحمراء والبيضاء
بختصار قروووووووشه
يومني اصير بلا عقل ( اهبل يعني ) والله لا قولون ولا حرق اعصاب ولا هم يحزنون
بس المشكله
وانا في عز ام الهباله يجيني سؤال يمشي مليون
( طيب وبعدين متى تفوق ؟؟ )
هنا يصير عندي تحول 180 درجه مئويه
طيب ممكن محد فهم علي لاني اعرف انكم الان في حالة استقرار للعقول
يوم من الايام كنت عاقل وكنت جالس في الصاله
وكان عندي ذيك الفتره برنامج كالتالي :
( الشقه / العمل / الشقه ) وهادي ويادوب اتحرك فالشقه تسني رجل آلي
وبينما انا جالس في ذلك النهار
مدري اش جاني
احس جاني رعشه وبدأ وجهي يقلب احمر
مدري مدري حاجه زي كني حسيت اني مثل افلام كرتون
وقمت ونطيت على الطاوله
وسويت علامة اكس بيدي
ومدري كيف دخلت يدي في جيبي من الحماس وطلعت مفتاح السياره
قلت لا لا لا خطأ بوب ذا اللي ابيه
وادخل يدي مره ثاني في جيبي واطلع منديل مستخدم
اووووووووووووووف قلت لا لا لا موب ذا المطلوب
ثمين رميت المنديل وادخلت يدي في جيبي مرة اخرى
ولقيت فلاش ميموري
وهنا بديت اطنقر زياده
قلت لا لا لا مش هذا المطلوب
وقتها ماكنت عارف اش ابي يطلع من جيبي
المهم وانا اللي ادخل يدي في جيبي الثاني ولا انا في الصرافه
هنا انا قلت ايه ايه ايه هذي
وانا اللي اطلع من الشقه حافي ومنطلق للسياره
يوم وصلت للسياره تذكرت ان المفتاح بالشقه
وانا اللي ارجع مسرع واخذ المفتاح واطلع مره ثانيه
واركب فالسياره واروح لم اقرب صرافه
وانا اللي ادخل الصرافه واسوي استعلام عن الرصيد
ويطلع فيه ( 16231 ) ستة عشر الف ومائتان وواحد وثلاثون ريال
وانا اللي اسحب مية ريال
وانا اللي ارجع الشقه
الشاهد عشان ما اطول عليكم
بعدها مادريت عن نفسي الا بعد 21 يوم خارج المملكة
كانت من اجمل 21 يوم في حياتي
طيب هالــ 21 يوم كانت جميله تركت علاج القولون فيها ما اذكر اني عصبت
حتى في اماكن زرتها ما اتذكر اشلون مريتها تعرفون بلا عقل
الشاهد
بلا عقل اجمل من العقل
وشكراً
جاني اتصال الحين بطلع اخلص لي شغله واكمل لكم البحث حقي بعد كم ساعه بأذن الله أو في يوم اخر
ملاحظه : الكلام اللي كتبته غير صحيح, شفت نسفي فاضي وجيت اخربط عليكم.
ودمتم