ملتقى طلاب وطالبات جامعة الملك فيصل,جامعة الدمام - عرض مشاركة واحدة - أخبار الانضباط السعودية: عقوبات الحميداني بيد الآسيوي

.Perfect · 2014- 11- 10

اقتباس:

المشاركة الأصلية كتبت بواسطة مـ ع ـاند جروحه

هلا منال ..
فرق كبير لما شخص يستفزك ويرفرف بشعار الأهلي أمام وبين جمهور الاتحاد
ورغم ذلك كله لم يُضرب هذا الشخص ( طلع من الملعب بدون أذى جسدي )

صحيح جراح استفز الجمهور الهلالي ب سيلفي ..
لكن شفت لك بزر دخل الملعب بشعار ناديه > مشجع عادي
تجمعوا عليه الهلالية ونتفوه وخذوا الشال ...

مرددين اللي ماهو هلالي ..

داخل الملعب وانا أقول انا وابن عمي على الغريب
بس بن عمي طلع مب كفو

الشر يعم والخير يخص

> اللي يسمعني يقول ذا طقوه بعد

.. اتق دعوة المظلوم ، فإنها ليس بينها وبين الله حجاب ..
وهذي ماهي شماته دعوة مظلوم أصابتكم فمحقتكم
من العصر قالبين المدرج حلبة مصارعة وتبون التوفيق

هاردلك مره أخرى

لا ماهو فرق لو كان الشخص ذا لابس تي شيرت الاهلي كان قطعوه ,
ارجع لليوتيوب وشوف احداث الجماهير ع المدرجات وتصرفاتهم مع من خالفهم بالميول !
كل جمهور كان له بالمثل من هذا كله والشخص اللي مد يده وضرب هذا مايمثل الا نفسه وفعل همجي يخصه هو .
وفيه بالمقابل همجيين بجمهور جميع النوادي وانت عارف وشايف .
تبي الصراحه ؟ جماهير بقية النوادي هي من جابها لنفسها . واخص بالذكر الشعار اللي كان لابسه الرجال اللي انضرب ! من بداية الاسيويه وكانت تمارس الضغوط من الاعلام وبث نكت واستهزاء بالاسيويه واستهزاء بالهلال والجمهور المتعصب بدوره روجها وانشحنو على بعض انا اضمن لك بذاك الوقت لو مشو بالشارع وشافو احد تهاوشو معاه مو بس بالملعب .

مع ذلك اذكرك ان الفعل هذا منبوذ وانا شخصيا يؤسفني ماصدر لكن على قولة دارك شايف كل اللي صاير بالشارع الرياضي ويجي يستفزهم ؟ كان موجود 70 الف متفرج لابد بيطلع شخص متعصب راح يثير بلبله وهوشه

يعني هو يشوف اللي حاصل وان الدنيا مشحونه ع بعضها وهو محسوب للشعار اللي لابسه بغض النظر كان مع ام ضد . اكيد راح يجيه أذى .

وابن عمك كفو والهلال مايوقف ع مشجع او حتى 100 مشجع همجيين ! كل جمهور فيه مثل هالنوعيه ماننكرها
والموضوع رياضة وكرة قدم كبرتوها وخليتوها ظلم ومظلوم الموضوع اسلس من كذا بكثير
هذا حال كرة القدم بالنهاية الفايز واحد . هذا مو اخفاق بالعكس انك توصل لنهائي هذا شي يثبت انك نادي كبير قادر توصل لابعد .

التوفيق بيد الله ربي يسعدك لاهو بسبب المشجعين ولا شي .
ولو على قولتك فيه ظلم , نادي الهلال ماظلم احد , الجماهير ظلمت بعضها والتعصب ظلمهم كلهم يتصافون عند ربهم . النادي وادارته غير مسؤولين او موكلين بتصرفات ملايين المشجعين .

بخصوص الاقتباس بالاحمر :
اجل انت مثل اللي يقول ياربي فريق سيدني ماهم مسلمين ولا عبدوك ليش تفوزهم وياخذون الكاس ؟

*اللهم لاعتراض طبعا*

الحمدلله على كل حال يآخوي وبالتوفيق لكم