2014- 11- 10
|
 |
المراقبة العامة
|
|
|
|
على طاري براد اليوم ورجعة هالشتاء بُكره ...
على طاري براد اليوم ورجعة هـ الشتاء بُكره
ذكرت اللي مضى بيني وبينك من غلا وفراق
إذا كان الشّتاء يرحل و يرجع جابره صبره
أنا ويّاك ما ذقنا الرّجوع ولذة الأعناق
تشكلنا مع أيام اللقاء والح* من صغره
رسَم فينا حنين اللي مضى بـ أيامنا وإنساق
وأما اليوم كلْ واحد يشم شوي من عطره
لعل يفوق فينا شي يمكنه بعد ما فاق
تعارُفنا تأمُلنا تسامُحنا على الفطره ..
ولكنّ الحظوظ السُود تنفينا من الأوراق
سريتك في دموع الوقت لا أعشق ولا أكره
ولو غيرك عطاني عمْر وعهوده على المِيثاق
وغلاك اللي بقى فيني كتَب لك شي واحتكره
لروحك لوحة الـ أهلاً .. وغيرك لوحة الإغلاق
وطن فرقا وسط صدري وقلبي كاتم ٍ سرّه
وضمّه دفتر الذكرى وباحه حبره التوّاق
يبين فيني فراقك وهذا الح* يا طهره
وفيك فراقي مبيّن إذا تشتاق أنا أشتاق
واذا الأشواق خلّتني ما بين الدّمع والعبره ..
ترى شوفك يريحني ويمحي لهفة الاشواق ..
واذا ما تعرف الدّبره أنا مدري وش الدّبره؟
ولكن أعرف ان اللي حصل فينا أبد ما لاق
فدى وصلك ضُلوعي لو خذاها ثُم بنى جسره
تعال ورتّب أنفاسي .. ترى صدر إنتظاري ضاق
أبوقف في إنتظارك .. لو خُطا رجليّ منكسره
ألم هـ الإنتظار أهون من اللي .. من فُراقك ذاق
أحط القُرب في قلبي .. وأحط البُعد في قبره
أبيك تكون كلّ النّاس في عيني على الإطلاق
خيوط العشق في يدّك .. ويدّي ماسِكه إبرَه
وخلّينا اليدين لحالها تنسج .. وطن عشاق
أح** قُرْب .. لو كانت ظروفك تطلب القدره
واح** طهْر .. يا تاج الشّرف والذّوق والأخلاق
واذا شاعرْك ما يمطر .. عليك بـ طهره وشعره
فلا نامت عيونه لين يكويها سهر وإرهاق ..
بفكّر في رحيل اليوم .. وأفكّر في شتاء بُكره
وبتمنى رجوعك دُون توديعه .. و دمع فراق
حمد شافي
|