|
رد: الاختبار الفصلي : مقرر مهارات التعلم
صحيح مطالبين بالمذاكرة او على اقل تقدير افتح الملخص وانقل السؤال
اسلوب الارباك محد يحبه ومثل ماقلت من قبل ببساطة نقدر نحذف الردود
بس مانبي نضر احد خصوصا انه بعضهم مايبقى له الا كم دقيقة
بس باقي اختبارين ما راح اقول متأملة فيكم خير لانه حقيقه مافيه امل كلن يهمه نفسه .gif "(177)")
اسماء قلييييل اللي جالسة تبادر وتساعد والباقي يحطون اسألتهم ويطلعون
اشتكيت دفعتكم للمشرفين الباقيين عشان يعطوني حل اقدر اتصرف فيه معكم ممكن يرضي الكل
كل من دخل من الدفعات الثانية سواء مشرف او عضو على اختباراتكم قالوا اول مره نشوف دفعه كذا
فوضى ومافيه تعاون الا من رحم ربي او انطباع ينأخذ عنكم انطباع سلبي
باقي الاقسام تعاون ضعيف بالمواضيع بس وقت الاختبار محد يقصر هنا العكس
متعاونين بالمواضيع بس بالاختبار
كل اختبار اطلب احد يجمع الاسئلة ولا فيه اي مساعده الا من اسماء قليلة ليش يعني !
امس حليت اختباري بدري وطلعت اضطراري ارسلت لي وعد ايش سويت قلت لها اني برا
وطلبتها تجمع لكم لاني شيكت على الموضوع ماحصلت الا نونا جمعت كم سؤال ولما تكلفت بهالشيء
ورجعت اساعدها وانقل الاسئلة اللي مثبته حلها نتفاجئ بموضوع نازل فيه تجميع الاجابات
طيب على القليل كان انكتب بالموضوع او برسالة خاصة انا بجمع ونوفر جهد على نفسنا
طبعا الخميس عندي اختبارين + و ماشيه لشمال الشرقية من العصر يعني ما راح اتواجد بالملتقى
ولا راح ادخل احل اختباراتي الا بالليل لذلك اتمنى اتمنى من الاعماق تبدأون تنظمون انفسكم من اليوم
وتقسمون المهام بينكم احد يدخل والثاني يجمع اسئلة واجوبة والبقية يساهمون بالحلول
والمتفرجين يجيبون درجتهم اذا اخذوا الحل من الملتقى عشان يعرفون الخطأ والصح
والاهم من هذا كله ذااااااااكروا مو معقولة تدخلون على اختبار وانتوا موب مذاكرين حرف 
وعد المايك لك 
|