أصلا الموضوع كله ما تعدى كلمتين ,
لعنبو قصة غرام .... كل أبوها كلمتين ...
أبتدينا عند ....أحبك .....وإنتهينا عند بااااي

تونا ما مشينا في الهوى لو خطوتين .....
وأنتهى الموضوع كله حتى ما أعرف وش خطاي

أنتهت قصة حياتي بكل سهوله تحكم... وين أحبك
......؟ وين أريدك ..؟؟ وين ساكن في حشاي

يمكن إنك ما وفيت يوم جيت تعشقن ....
ويمكن إنك تحسب بتبعك من دون راي

ويمكن أصلا ما عشقت بس كنت تلعب....
ويمكن إنك ما وصلت في هواك لمستواي

ويمكن إني ما عرفتك في الحقيقه وش تبي....
. ويمكن إني خنت نفسي ... يوم أعطيتك وفاي

علمني في الهوى ياجاهل وش تعرف...
تعرف إنك غديت شي يجري في دماي

علمني في العطاء والتضحيه وش تفهم...
لعنبو حيك عشانك بعت أقرب أقربااااي

كنت أحطك في عيوني تسرح وتمرح..
كنت أشيل هموم قلبك وأرمي همومي وراي

كنت أطير من السعاده يوم أشوفك تضحك...
كنت ذايبة في هواااك مثل سكر وسط ماااااي

كنت نايمة في العسل وأرسم من الفرحة سنين ...
كنت أظنك قلب عاشق ما سكن وسطه سواااي

ما وعيت إلا وإنت في خفوقي تطعني...
ما وعيت إلا وسيفك بالحشا رايح وجاااي

ورده ...إيه والله ورده بس عرفت تجرحن ...
كل شي فيني جريح إلا فخامة كبرياااااي

ما تأثرت بغيابك ... ويش يعني دمعتين ...
بكره أنسى صدقني وأرجع بكامل قواي

أدري إن حنا أفترقنا .. بس أبفهم حاجتين ... علمني وش كسبت ؟؟

وعلمني وش خطاي ...؟؟؟

أصلا الموضوع كله ,,, ما تعدى كلمتين ,,,..
. ألتقينا عند( أحبك )..!!

وأفترقنا عند (باي)..!!