2014- 11- 13
|
#40
|
|
مشرفة سابقة
|
رد: مستوى ثاني حياكم الله هنا شوي ..
يا مرحبا الساع .. 
بقول لكم شغلة يا جماعة الربع
انا بالمستوى الأول كنت حالي حال الطلبة مهمتي اخذ بهالملخصات وهالاسئلة بدون ما اشارك بالمعلومات وبدون شيء وتبون الصدق ؟ ماكان كويس مستواي الأول يمكن لأني ماكنت فاهمه طبيعة الدراسة او مو عارفة كيف اذاكر .
بالمستوى الثاني  
قلت بشارك مع الطلبة والطالبات بالملتقى وبتلحلح .. بجاوب على الاسئلة بالمذاكرة الجماعية .. لين قمت اشارك واحل واشرح لغيري والله هالشيء طورني بشكل خيالي
حتى اذا مسكتوا الورش لاتخافون ترى الحمل ما بيكون عليكم فقط .. بس هالشيء دافع نفسي لك ويعطيك احساس انك هالمادة بتعديها بأمان واعيد واكرر طرح الاسئلة والكويزات جد جد جد تفيد لما تتشاركون كل واحد يطرح سؤال وكل واحد يشرح نقطة بتستمتعون .
انا كنت مره ما احب الاقتصاد الجزئي خذيت موقف مننننه .. ويوم جا وقت الاقتصاد الكلي شاركت مع البنات واحل واذاكر وكذا لين صرت انا اللي اشرح واصحح الأجوبة .. هالشيء فادني كثير كثير عشان كذا اللي يخاف من مادة هو اللي يمسك ورشتها وبيحس بالإهتمام تجاهها وتسهل عليه باذن الله وبيكون فيه تعاون محد بيتركه لحاله .
اللي حاس نفسه يبي له تركيز بالـ English يمسك الورشة .. واللي حاس نفسه يبي له تركيز بالمحاسبة يمسك الورشة .. بهالطريقة بتتغلبون على مخاوفكم وبتزيد ثقتكم بنفسكم يا حبايبي . 
طريقتي بالمذاكرة : اذاكر المادة واسئلة الاختبارات اكتبها بالملزمه قدام كل فقرة السؤال اللي يخصها عشان احفظها عدل وافهمها 
|
|
التعديل الأخير تم بواسطة رَاء. ; 2014- 11- 13 الساعة 02:45 AM
|
|
|
|