*دخلت على الانظمة بهالشهر
و توي من اسبوع تقريبا انتظمت بحضور المحاضرات
اما المذاكرة للاسف لسه مابديت
طبعا ما نزلت هالفصل إلا خمس مواد لظروف
و مثل مواد العربي في ناس ما تعرف تشرح و تطلع عن الزبدة كذا بالانجليزي
و حسافة تلاقينهم السهل يشرحونه بعمق و الصعب يمشون فيه
بالنسبة لي احضر كل المحاضرات
بس المحاضرة مو كلها اسمعها دايم امشي شريط الصوت
المهم احدد الملزمة و ادقق على النقطة الي مو مفهومة
*مدخل إلى اللغويات
المادة هذي اتوقع راح ابدأ فيها لانها
تحتاج حفظ كثيييييير المحاضرات الي فيها نطق الحروف
هذا الي حظرتها عدل اما الباقي لا كله امشي
لان طبعت ملزمة خوخ و زهر
ماشاء الله تحسين كل شيء واضح
*انشاء و تعبير
محاضراتها قصيرة و مدري كيف
يعني ما يعطي امثلة كثيرة توضح وضع المادة ابد
متخوفه منها لان الي قبلنا يقولون
جاب لهم قطعة ما شرحها
على العموم هالمادة تعتمد كثير على اشقد حافظين من كلمات
طبعت ملزمة بيسان فيها امثلة محلولة
*التركيب اللغوي
مادة فهم و اغلبها دارسينه
يعني بإذن الله واضحة و سهلة
طبعت ملزمة بيسان و صفحات الكتاب موجودة فيها
*استماع و استيعاب
المادة الوحيدة الي اسمع محاضراتها من البداية للنهاية
لان سماعها هو مذاكرة المادة
بالنسبة لي كنت قبل لازم اركز كثير عشان اسمع
لكن حاليا اقل اركز لان ساعدني مشاهدة الافلام والبرامج المترجمة
لان بدون ماعرف معنى الكلمة صعب اسمعها
كلما تشاهدي اكثر يتحسن السمع
حسافة لي قريب سنة ما اجلس على التلفاز كان وضعي قبل افضل
طبعت ملزمة بيسان مرتبة اورقها قليلة و شاملة بس تمنيت الامثلة محلولة
عشان اتأكد ان سمعي صحيح
*مبادئ الاحصاء
المادة سهلة و محاضراتها روعة بس طويلة
يعني ساعات يكرر امشي الشريط
طبعت ملزمة هتان و ترى المادة مو ذاك الطول
كلها امثلة وتمارين ورسومات و فواصل صفحات وكذا
*طبعا مواد التخصص لاحظت محاضراتها قصيرة يعني اذا عندكم
وقت احظروها كاملة تثبت المعلومة و بالتوفيق