|
رد: انظر ماذا تفعل الهلالات
اقتباس:
المشاركة الأصلية كتبت بواسطة ام ساره ووجدان
انا بعد الارهاب والعلوم الي مدري وين يدوون فلوسنا ماصرت ارسل برى
اقتنعت اني انفع الفقارى الي ادري عنهم هنا يعني بيوت معينه او شيبان كبار لان الاقربون اولى بالمعروف
ورب البيت يوم برمضان نبي نروح انا وابو ساره نشتري زكاة الفطر الا واحد بشارع ماتوقعت ان فيه اوادم يعيشون بهذاك الحي المهم موقف ومتوهق ينزل كيس رز وكانه ثقيل نزل ابو ساره يساعده ورجع بو جه ثاني مخطوف عرفت انا شاف شي ضايقه ..
سالته قال شفت بيت ماله سقف غرف منهده بصاله مالها سقف والفرن بالارض مو فرن من الي تجي عينين بلارض وصحون وقدور وحاله مبعثره بالارض في هذه الصاله المفتوحه مالها سقف وعيال قابلوني مبهذلين وثيابهم معدومه يقول سألت الرجال وش البيت هذا قال ارمله عندها 8عيال وتوفى زوجها وحالتهم لله امرها من يوم زوجها حي والحين مره تعبت حالتهم بزياده بعد وفاته
فصرت كل حين اطل عليهم واشوف احوالهم
وتفرح مسكينه الام والبنات ..ووربي ياناس مانقصت صدقه من مال
بلعكس تتطهر مالك وتداوي مريضك وتدفع عنك البلاء
<واللذين في اموالهم حق معلوم للسائل والمحروم>
تخيلو كل انسان احواله ميسره شوي شاف الي بمدينته وتعهد على الاقل بيت والله كان الدنيا بخير ...اللهم ارحم ضعف المؤمنين لااله الا انت سبحانك اني كنت من الظالمين
الله يجزيك خير ياصاحبة الموضوع
|
لااااااااا تعليق 
|