وعليكم السلام ،،
يا عزيزي التعليم والشرح وايصال المعلومة عملية ماهي سهله واحنا عندنا اقرب مثال الترم الماضي بإدارة مالية1 الفرق بين الدكتور ان عنده خبره اكبر من الاستاذ صحيح انا ما اعيب الملحم الترم الماضي ولا اعيب الجغيمات الترم هذا لعدم قدرتهم على ايصال المعلومة وهذا راجع لعدم وجود خبره وتجربه بهذا المجال طبعا مع وجود هالنقاط السلبية هناك امور ايجابية وهي الشعور بالذنب وتصحيح هذا الشيء كان بالترم الماضي عن طريق وضع اغلب الاسئلة تبع الاختبار في العشرين سؤال وفي المحاضرات المباشرة وفي الواجبات ولو تابعت اسئلة اختبار الترم الماضي للأستاذين العزيزين الجغيمان والملحم لوجدت انو ما فيه شي خرج عن الواجبات والمشاركة والعشرين سؤال المراجعة . واعتقد هالموضوع هذا من صالح الجميع .
طبعا انا من الناس الي قابلت نفس الوضع كان على ما اذكر في مادة محاسبة 2 كنت مذاكر بالاجازة من دكتور وكان شرحة جدا رائع . بعدها تغير الدكتور والدكتور الجديد وكان فيه نقاط كثيره حذفها اثرت علي في فهم المسائل وهذا الشيء سبب لي خلل لانو كانت براسي طريقة معينه للمذاكرة ولا قدرة افهم للدكتور الجديد الي كانت استراتيجيته في وضع الاسئلة تبع الاختبار مخلتفة تماما عن الدكتور الي تابعته .
طبعا بعد هالديباجة الطويلة الي طرحتها والي تعبر عن تجربة ورأي شخصي اتمنى اتخاذ قرار قبل نهاية الوقت للي ما بدى وطبعا انا حطيت نموذج اختبار للاستاذ الجغميان محلول بورشة الادارة المالية وراح تفهمون الكلام الي شرحته فوق وفيه شرح قريب للجزء العملي لاخوي طموح شايب ذكر انه راح ينزله قريب وان شاء الله ما يتأخر و ان شاء الله يساعدكم ويفك عقدة الادارة المالية عندكم .
اتمنى التوفيق للجميع ،،،