قالو تتوب من الهـــوى قلــت ماتــوب
ماتـــــوب عن حـبــه ولانــي بتــايـب
مقدر أعيش بدنـيـتـي دون مـحــبـــوب
ياشــيـــنــهـــا الــدنـيــا بـلـيّــا حـبـايب
حب الشــرف ياناس مــافيه عــذروب
لا صـــار خالي من جميع الشـــوايب
أن كان ماتاخذ ورى حـبــك ذنــــوب
أعلـــن غـــرامك لا تخــــاف العقايب
وأبعد عن الممنوع لا صار مرغوب
دايم ترى المرغوب عايب و خـــايب
وأسحب وفا حرفك على قاف مسحوب
وأنفض معـــانـيـها نـفـيـض السحايب
ترا الشعر لا صـار بأحساس مكـتوب
على قلـــوب النـــاس مثل الهــبايـب
وأنا القصــــايد كـلـهـا سقتها صــوب
الجـــادل اللـــي خـلـت القلـب ذايـب
الطــــاهره من كل زلات وعـيــوب
المـتــرفه ذات الحـسـب والنـسـايـب
عن حبـها والله لايـمــكـن أتـــــوب
لو عذربوني لو غدى الراس شـايب
مجرور في حبها وسـاكن ومنصوب
ومكسور لو شفتها عن العين تغـيب
وما دامني بالشـعـر مبدع ومــوهوب
لازم أخـلـي في قـصـيـدي عـجـايـب
من شــان خـلـي يفـتـخـر فيه ويذوب
دام القصــــايد للـمــحــبـه ضــرايب
يالله عسى لاتـجـعـل الحــظ مقـلـوب
يكـفـي شـربنا من رداه المــصــايـب
ياالله طلبتك والآمـــل فيك مـطـلوب
على الشــرف تجمع قلـوب الحـبايب