محتاجلك حيـل والله يقطـع الحاجـه
حدتني وجيت اداري دمعـة عيونـي
:
باين علي التعـب والضيـق وانتاجـه
منهار لونـي متغيـر ماهـو بلونـي
:
لقيتـك اللـي يصـد معقـد احجاجـه
وانت اقرب الناس والغالي ومضنونـي
:
سكـرت بابـك وقفلتـه بمـزلاجـه
قدام وجهـي وكـل النـاس شافونـي
:
لكن على الله بدايه الضيـق وافراجـه
ولا انت الله معك خابت بك ضنونـي
:
بلاش منك ومـن موقفـك واحراجـه
رح واتبع اللي خذوا منـي وخلونـي
:
من صد عني ترى مانيـب محتاجـه
من دونه اعيش دامه عاش من دونـي
:
وان قـدر الله مـع الايـام نتـواجـه
تمـر مثلـك مثـل ناسـن يمرونـي
:
في عيوني تصير ماتسـوا ولا حاجـه
من عقب ماكنت تسوا الناس في عيوني
:
الشاعر / ثامر شبيب
:
نقلها لكم
نـــــاصرالنــــاصر
22 / 11 / 2014م