ملتقى طلاب وطالبات جامعة الملك فيصل,جامعة الدمام - عرض مشاركة واحدة - اتمنى شرح بسيط للتخصصات التقنية في كلية الجبيل

silver NEO · 2014- 11- 22

اقتباس:

المشاركة الأصلية كتبت بواسطة السلام عليكم :)

ماشالله عليك كفيت ووفيت, انا ودي على بكلريوس في نفس تخصصك, وش الفرص الوضيفية لبكلريوس هندسة الات دقيقة وتحكم؟ وهل تقارن بخريجي بالبترول؟ اكثر الناس يحسبون التخصص هذا موجود في الجبيل وينبع فقط, لكنه موجود في البترول تحت مسمى "هندسة نظم التحكم والقياس"

بصفة عامة ..

كل ما ارتفعت شهادتك كل ما قلت فرصك الوظيفية .. الشركات تدور اهل الدبلوم .. فأحتمالية توظيفك مباشرة لو تخرجت ببكالوريس اقل من الدبلوم .. وسالت مدرس واعطاني اياها كاش :( .. صح انه شيء يقهر لكن هذا الوقع لو تفكر فيه .. تقدر تقول الدبلوم إن شاء الله مضمون بحسب اللي تخرجوا وتوظفوا مباشرة .. أما البكالوريس ما اعرف احد .. كل اللي اعرفهم باقي يدرسون

لو تخرجت بدبلوم من الكلية .. يكون المسمى الوظيفي لك مشغل ( Operator)

اما البكالوريس المسمى الوظيفي = مهندس

لا تنسى ان الانسترومنت مطلوب في المصانع لكن بشكل اقل من بعض التخصصات الاخرى مثل الميكانيكا .. لإما بالك لو كانت شهادتك بكالوريس ..

ويبقى كل شيء بيد الله اولا وأخيرا ..

...

لو جينا بنقارن ما عندي الكلام الأكيد لكن حسب ما سمعت من مدرسين ..

كلية الجبيل تتفوق على البترول في شغلتين كثير تهم الشركات

إنضباط الطلاب بحيث انهم طول فترة دراستهم ملتزمين بقوانين وسلوكيات مشددة مثل الحضور والغياب والمظهر

وهذا سبب مهم لأي شركة ..

والسبب الثاني ان الساعات العملية في الجبيل الصناعية للطالب أكثر من الساعات العملية في البترول

..

ما اتوقع ان البترول عندها نفس التخصص وإلا كان المسمى واحد .. ابحث في قوقل تشوف الفرق

وبعدين بشهادة طلاب كثير .. الدراسة في البترول اصعب وتهد الحيل .. وبالعكس للجبيل وفي النهاية فرصتك كمتخرج من الجبيل أفضل بحسب ما سمعت ..

بصراحة ماني متأكد 100% .. لكن هذا الكلام المتداول بين الطلاب+ المدرسين عندنا

+ اسأل قبل ما تختار اي تخصص .. انا قلت اللي عندي عن تخصصي بس وانصحك تستخير قبل كل شيء وتشوف ايش التخصص اللي راح يناسبك أكثر وترتاح معاه وتذكر انه قرار مصيري راح يبقى معاك طيلة حياتك

وحياك الله في أي وقت