نفس حالتكم انا بنات تعبت حيييل وعير كذا اللي صعبها ان احنا اول تدريب لنا ولاندري شنسوي انا عن نفسي رحت مستشفى المانع اللي بالاحساء وقالت لي الاخصائية ان المدير الطبي خلص دوامه ولازم يوافق على التقرير وقالت لي تعالي يوم ثاني مبكر مع العلم اني رحت 9ونص قالت لازم اجي بدري واحس اني تحطمت من ردها وبعدها قلت اروح مستشى الاحساءالخاص وبالعكس خلصت اموري بسرعة كان الاخصائي حيل متعاون ولان عنده خلفية ن طالبات التدريب وكذا وحتى قال لازم ادربكم 3ايام عالاقل بعدين اختم لكم الاوراق بس لان احنا صار صعبة علينا نروح يوميا 3ايام وغير لاني عندي اطفال فقلتله ماقدر قال خلاص راح اسالكم اساله واعطانا اوراق نقراهم ومنشورات وخلانا ندور عالقسم كان اليوم جميل
اما الجهة التعليمية رحت بالاول مدرسة ابتدئية 40بالاحساء قالوا ماعندهم مرشدة طلابية او اخصائية ورحت مدرسة الثالثة الثانوية كانت يمها تعذرت لي بالبداية ان المرشدة الطلابية راسها مصدع وماتقدر تستقبل احد قلت لها مافي مشكلة عالاقل بس تطلع عالاستبيان اللي عندي عشان مااتعب عمري واجي يوم ثاني وترفضني ويوم انها شافتني المرشدة الطلابية قعدت تقرا قالت لي جاوا لي بنات من قبل من الجامعه يبون يسون بحوث بس مو مثلك انتي اسالتك غير قلت لها طبعا كل وحدة وتكون سنة غير عن الثانية وقعدت شوي تلف وتدور وتقول لي لازم موافقة من وزراة التربية والتعليم قلت لها انا عندي خطاب ليش موافقة كللها استبيان عبيه ووقعي عليه وختميه حسيتها ماتبي تتعاون وطلعت رحت مدرسة ال18المتوسطة والحمدالله تعاونت معاي المرشدة وعبت وياي التقرير بكل رحابة صدر وخلصت والحمدالله بس صج صج تعبنا وتحطمنا بسبة هالتدريب