أنا ما أدري كيف جدولك علشان أحكم ..
بس شوفي السمستر اللي راح أخذت قراءات ومطالعات و الإنشاء والتعبير ..
- القراءات والمطالعات يبغي له فهم , تعبت فيه شويات لكن أسئلة الدكتور عمّار كانت قمه في الروعه , ماقصر .. هي الماده حلوه ولذيذه لكن يبغي لها شوية فهم ومتابعه مع الدكتور ..
- الإنشاء والتعبير كان الملخص قليييييل وأنا متورطه بعمري , لأن الماده عليها 3 ساعات .. على كل نجحت بدرجه ما كنت أتخيلها , في وحده من القطع مشت معاي بالحظ + كذا فقره ما أدري من وين كان جايبهم !
القطع طبعًا تعتمد عالقاعدات ..
- الآن عندي إستماع واستيعاب برضو كنت خايفه منها لكنها طلعت حلووه بالذات لما تدخلين جووها :)
- الإنترنت والإتصالات أخذته السمستر الماضي .. الأسئله كانت جميله جدًا لكن يبغي له حفظ - ولو إنه كرر أسئلة الإختبار للي قبلنا - لكني ما أثق بهالسوالف علشان كذا لما خلصت مذاكره أطّلعت عالأسئله ..
- التركيب اللغوي لسى أحوس فيه , يعني هو قاعدات وكذا بعضها مكرر لكنّه يدّوخ على خفيف ..
- الأخلاق الإسلاميه أطلعت على الأسئله للسمستر اللي قبلنا وطلع فيها شوية تفحيط , والخصال المهنيه تلخبط الواحد .. يبغي لك تصمين الماده صمّ !
هذا هم المواد اللي أخذتهم وتخص مستوى ثالث ..
بالمناسبه لو كنتي من اللي ماخذين مدخل إلى اللغويات من المستوى الرابع أبتدي فيه , أشوفهم يقولون إنه يبغي له وقت - أنا ما أخذت هذي الماده - ..
الله يووفقك ..